ಬಿ.ಸಿ.ರೋಡ್: ಆ್ಯಂಬ್ಯುಲೆನ್ಸ್‌ಗ್ ಸಾದಿ ಕೊರಂದೆ ತಾರಾಮರ ಸ್ಕೂಟರ್ ಗೆಡತಿನಾಯೆ ಪೋಲೀಸೆರೆ ಬಿನ್ನೆ ಆಯೆ

Last updated on October 31st, 2025 at 08:02 am

ಬಿ.ಸಿ.ರೋಡ್, ಅ. 30: ಇನಿ ಬಿಸ್ಲೆ ಘಾಟಿಡ್ ಟೆಂಪೋ ಒಂಜಿ ಕಬ್ಬೆ ಬೂರ್ದ್, ನಡಕೆಡ್ ಗಡಿಕುಲಾದಿತ್ತಿನಕ್ಲೆನ್ ಪುತ್ತೂರು ಸರಕಾರಿ ಆಸ್ಪತ್ರೆಗ್ ಮರ್ದ್‌ಗ್ ಲೆತೊಂದು ಪೋದಿತ್ತೆರ್. ಅಲ್ಪದ ಡಾಕ್ಟರ್‌ನಕುಲು ತುರ್ತ ಮರ್ದ್ ಮಲ್ತ್‌ದ್ ಗಾತಿದ ಗಡಿಕುಲಾತಿನಕ್ಲೆನ್ ಎಚ್ಚಿನ ಮರ್ದ್‌ಗ್ KA 22 C 1382 ಆ್ಯಂಬ್ಯುಲೆನ್ಸ್‌ಡ್ ಪುತ್ತೂರುರ್ದ್ ಕುಡ್ಲಗ್ ಕಡಪುಡ್ದೆರ್. ಕುಡ್ಲಗ್ ಪೋಪುನ ಪೊರ್ತು ಮದ್ಯಾಹ್ನ ಸುಮಾರ್ 1.30 ಗಂಟೆಗ್ ಬಿ.ಸಿ.ರೋಡ್ ಎನ್. ಜಿ ಸರ್ಕಲ್‌ರ್ದ್ ಆ್ಯಂಬ್ಯುಲೆನ್ಸ್‌ದ ಎದುರುರ್ದೊ KA19 EK 0696 ನಂಬರ್‌ದ ಸ್ಕೂಲ್ ಆ್ಯಂಬ್ಯುಲೆನ್ಸ್‌ದ ಸೈರನ್ ಕೇನ್ದ್‌ಲಾ ಆ್ಯಂಬ್ಯುಲೆನ್ಸ್‌ಗ್ ಸಾದಿ ಬುಡ್ದು ಕೊರಂದೆ ಆ್ಯಂಬ್ಯುಲೆನ್ಸ್‌ದ ಸಂಚಾರೊಗು ತಲೆಪು ಕನತ್‌ದೆ. ಆಯನ್ ಬೆಟ್ಟಂಪಾಡಿ ಗ್ರಾಮ ಪುತ್ತೂರು ತಾಲೂಕು ಮಹಮ್ಮದ್ ಮನ್ಸೂರು (38 ವರ್ಸ) ಪನ್ದ್ ಗುರ್ತ ಪತ್ತ್‌ದೆರ್. ಆಯನ ಮಿತ್ತ್ ಬಂಟ್ವಾಳ ನಗರ ಪೊಲೀಸ್ ಸ್ಟೇಶನ್‌ ಅ.ಕ್ರ 128/2025 ಕಲಂ:110, 125 ಬಿ.ಎನ್.ಎಸ್ ದ ಪ್ರಕಾರ ಪ್ರಕರಣ ದಾಕಲ್ತೊಂದು ಪೋಲೇಸೆರ್ ವಶೊಕು ಗೆತೊಂದೆರ್.