Last updated on November 12th, 2025 at 10:54 am
ಬಂಟ್ವಾಳ, ನ. 12: ಬೆಂಜನಪದವುಡು ಇಪ್ಪುನ ತನ್ನ ಮಾಮಿನ ಇಲ್ಲಡ್ ಇತ್ತಿನ ಮುಂಬೈ ಮೂಲೊದ ಜವನ್ದಿ ಒರ್ತಿ ನವೆಂಬರ್ 9 ರ್ದ್ ತೋಜೊಂದಿಜ್ಜೆರ್ ಪನ್ದ್ ವರದಿ ಆತ್ಂಡ್.
ನಾಪತ್ತೆ ಆತಿನ ಪೊಣ್ಣನ್ ಬೆಂಜನಪದವುದ ಶಿವಾಜಿನಗರದ ನಿವಾಸಿ ಮರಿಯಾ ಆಲ್ಬರ್ಟ್ ಡಿಸೋಜಾ ಪನ್ದ್ ಗುರ್ತ ಪತ್ತ್ದೆರ್.
ವರದಿಲೆನ ಪ್ರಕಾರ, ಮರಿಯಾ ಒಂಜಿ ವರ್ಸೊಗು ದುಂಬು ತನ್ನ ಅಪ್ಪೆ ಕರಿದ್ ಪೋಯಿಬೊಕ್ಕ, ಬೆಂಜನಪದವುಡು ಇಪ್ಪುನ ತನ್ನ ಮಾಮಿ ಮೊಲ್ಲಿ ಟೆಲ್ಲಿಸ್ ರೆನ ಒಟ್ಟುಗು ಇತ್ತೆರ್. ಆರೆನ ಅಮ್ಮೆ ಆಲ್ಬರ್ಟ್ ಡಿಸೋಜಾ ಮುಂಬೈಡೇ ಉಲ್ಲೆರ್.
ನವೆಂಬರ್ 9 ದಾನಿ, ಆರೆನ ಮಾಮಿ ಇಗರ್ಜಿಗ್ ಪೋದಿತ್ತೆರ್. ಆ ಪೊರ್ತುಡು ಮರಿಯಾ ಇಲ್ಲರ್ದ್ ಪಿದಡ್ದ್ ಪೋದಿತ್ತ್ದ್, ಪಿರ ಬತ್ತ್ದಿಜೆರ್ ಪನ್ದ್ ತೆರಿದ್ ಬೈದ್ಂಡ್.
ಆರ್ ಕಾಣೆ ಆತಿನ ಬಗೆಟ್ ಬಂಟ್ವಾಳ ಗ್ರಾಮಾಂತರ ಪೊಲೀಸ್ ಸ್ಟೇಶನ್ಡ್ ಒಯಿಲ್ ದಾಕಲಾತ್ಂಡ್. ಪೊಲೀಸೆರ್ ಪ್ರಕರಣ ದಾಕಲ್ತೊಂದು, ಕಾಣೆ ಆತಿನ ಪೊಣ್ಣನ್ ನಾಡುನ ಬೇಲೆ ಸುರು ಮಲ್ತ್ದೆರ್.