Last updated on November 17th, 2025 at 03:12 pm
ಬೊಲ್ತೇರ್, ನ. 17: ಡ್ರೈವರ್ನ ಅಂಕೆ ತತ್ತ್ದ್ ರಿಕ್ಷಾ ಒಂಜಿ ಕಬ್ಬೆ ಬೂರ್ದ್, 12 ವರ್ಸ ಪ್ರಾಯೊದ ಆಣ್ ಒರಿ ಅಲ್ಪನೇ ತೀರ್ದಿತ್ತ್ದ್, ಐವೆರೆಗ್ ಗಡಿಕುಲಾತಿನ ನಡಕೆ ಲಾಯಿಲ ಗ್ರಾಮೊದ ಕುತ್ರೊಟ್ಟು-ಟಿ.ಬಿ. ಕ್ರಾಸ್ ಸಾದಿದ ಹೊಕ್ಕಿಲ ಪನ್ಪಿನಲ್ಪ ನವೆಂಬರ್ 16ತ ರಾತ್ರೆ ನಡತ್ದ್ಂಡ್.
ತೀರ್ದಿನ ಆಣನ್ ಬೊಲ್ತೇರ್ ತಾಲೂಕ್ದ ನಾವೂರು ಗ್ರಾಮೊದ ಕುಂಡಡ್ಕ ನಿವಾಸಿ ಗಣೇಶ್ ಮೆರೆಗ ಮಗೆ ತನ್ವಿತ್ (12) ಪನ್ದ್ ಗುರ್ತ ಪತ್ತ್ದೆರ್.
ನಾವೂರ್ದ ಶಶಿ ಪನ್ಪಿನಾರೆನ ರಿಕ್ಷಾಡ್ ಪ್ರಯಾಣಿಕೆರ್ ಕುಡುಮದ ಲಕ್ಷ ದೀಪಗ್ ಪೋವೊಂದಿತ್ತೆರ್. ಎಡ್ತೆಡ್ ಗಾತಿದ ಗಡಿಕುಲಾದಿತ್ತಿನ ತನ್ವಿತ್ನ್ ಆಸ್ಪತ್ರೆಗ್ ಲೆತೊಂದು ಪೋಪಿಸಾದಿಡೇ ತೀರ್ದೆ ಪನ್ದ್ ಪನ್ತೆರ್. ಗಾಡಿಡಿತ್ತಿನ ಒರಿನ ಐವೆರೆಗ್ಲಾ ಗಡಿಕುಲಾದಿತ್ತ್ದ್, ಅಕ್ಲೆನ್ ಮುಟ್ಟದ ಆಸ್ಪತ್ರೆಗ್ ದಾಕಲ್ತ್ದೆರ್.
ಬೊಲ್ತೇರ್ ಟ್ರಾಫಿಕ್ ಪೊಲೀಸೆರ್ ಪ್ರಕರಣ ದಾಕಲ್ತೊಂದು ಜಡ್ತೆ ಮಲ್ತೊಂದುಲ್ಲೆರ್.