Last updated on November 18th, 2025 at 12:09 pm
ಕುಡ್ಲ, ನ. 18: ಈ ವರ್ಸೊದ ಕರಾವಳಿ ಉತ್ಸವ ಡಿಸೆಂಬರ್ 19 ರ್ದ್ ಜನವರಿ 4 ಮುಟ್ಟ ನಡಪರೆಗುಂಡು ಪನ್ದ್ ಜಿಲ್ಲಾಧಿಕಾರಿ ದರ್ಶನ್ ತೆರಿಪಾಯೆರ್. ಸೋಮಾರ ಜಿಲ್ಲಾಧಿಕಾರಿ ಕಚೇರಿಡ್ ನಡತಿನ ಸಭೆತ ಗುರ್ಕಾರ್ಮೆ ವಯಿತೊಂದು ಆರ್ ಪಾತೆರ್ಯೆರ್.
ಕರಾವಳಿ ಉತ್ಸವದ ಪೊರ್ತುಡು ಜನೊಕ್ಲೆನ್ ಒಯ್ಪುನಂಚಿನ ಕಾರ್ಯಕ್ರಮೊಲೆಗ್ ಆದ್ಯತೆ ಕೊರ್ಪ ಪನ್ದ್ ಡಿಸಿ ಪನ್ಡೆರ್. ಸಾಂಸ್ಕೃತಿಕ, ಕಲೆ, ಸಾಹಸ, ಬೊಕ್ಕ ಪ್ರಕೃತಿ ಆಧಾರಿತ ಕಾರ್ಯಕ್ರಮೊಲೆನ ಅಟ್ಟನೆ ಮಲ್ಪೆರ ಆರ್ ಅಧಿಕಾರಿಲೆಗ್ ಸೂಚನೆ ಕೊರ್ತೆರ್.
ಬೀಚ್ ಉತ್ಸವ, ಕಲಾ ಪರ್ಬ, ಚಿತ್ರಸಂತೆ, ಫಲಪುಷ್ಪ ಪ್ರದರ್ಶನ, ಬೀಚ್ ಫುಟ್ಬಾಲ್ ಬೀಚ್ ವಾಲಿಬಾಲ್, ಬೈಕ್ ಪ್ರದರ್ಶನ, ಶ್ವಾನ ಪ್ರದರ್ಶನ ಇಂಚ ಬೇತೆ ಬೇತೆ ಕಾರ್ಯಕ್ರಮ, ಗೊಬ್ಬುಲು ನಡಪುವ ಪನ್ದ್ ಪನ್ಡೆರ್.
ಉಪ ಪೊಲೀಸ್ ಆಯುಕ್ತೆ ಮಿಥುನ್ ಎಚ್. ಎನ್., ಕುಡ್ಲ ಕಂದಾಯ ಉಪವಿಭಾಗಾಧಿಕಾರಿ ಮೀನಾಕ್ಷಿ ಆರ್ಯ ಬೊಕ್ಕ ಬೇತೆ ಅಧಿಕಾರಿಲು ಇನಯೊಡು ಪಾಲ್ ಪಡೆದಿತ್ತೆರ್.
ಕರಾವಳಿ ಉತ್ಸವ ನನ ‘ತುಳುನಾಡ ಉತ್ಸವ’ ಆಪುಂಡಾ?
ಇಂಚಿಪ ದಕ್ಷಿಣ ಕನ್ನಡ ಜಿಲ್ಲೆದ ಪುದರ್ ಪಗಪುನ ವಿಷಯೊದ ಚರ್ಚೆ ಆನಗ ಕರಾವಳಿ ಪನ್ಪಿನೆನ್ ಬುಡ್ದ್ ತುಳುನಾಡ್ ಪನ್ದ್ ಪನೊಡು, ಕರಾವಳಿ ಉತ್ಸವನ್ ತುಳುನಾಡ ಉಚ್ಚ ಪನ್ದ್ ಮಲ್ಪೊಡು ಸ್ವತಃ ಶಾಸಕೆರೇ ಪನ್ದಿತ್ತೆರ್. ಶಾಸಕೆ ಡಾ. ಭರತ್ ಶೆಟ್ರ್ ತುಳುನಾಡ ಉಚ್ಚಯ ಆವೊಡು ಪನ್ದ್ ಪನ್ದಿತ್ತೆರ್.
ಅಂಚಾದ್ ಈ ಸರ್ತಿ ಪುದರ್ ದಾದ ಆಪುಂಡು ಪನ್ದ್ ಕಾತ್ದ್ ತೂವೊಡಾತೆ.