Last updated on November 20th, 2025 at 08:29 am
ಕಡಬ, ನ. 20: ನೂಜಿಬಾಳ್ತಿಲಡ್ ಇಲ್ಲಡ್ ಬಲ್ಲ್ ಪಾಡೊಂದು ಆಂಜೊವು ಒರಿ ಆತ್ಮಹತ್ಯೆ ಮಲ್ತೊಂದಿನ ನಡಕೆ ನಡತ್ದ್ಂಡ್. ಆತ್ಮಹತ್ಯೆ ಮಲ್ತೊಂದಿನ ಆಂಜೊವುನು ಆಕೋಟ ನಿವಾಸಿ ಚೇತನ್ ಲಾರೆನ್ಸ್ ಪನ್ದ್ ಗುರ್ತ ಪತ್ತ್ದೆರ್.
ಕಡಬ ಸಮುದಾಯ ಆಸ್ಪತ್ರೆಡ್ ಪುನೊತ ಮಹಜರ್ ಮಲ್ದೆರ್. ನೂಜಿಬಾಳ್ತಿದ ಸೇಂಟ್ ಮೇರಿಸ್ ಕ್ಯಾಥೆಡ್ರಲ್ ಚರ್ಚ್ಡ್ ಅಂತ್ಯಸಂಸ್ಕಾರ ನಡಪುಂಡು. ಕಡಬ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್.
ಕುಡ ರಡ್ಡ್ ಪ್ರಕರಣೊಲೆಡ್ ಆತ್ಮಹತ್ಯೆಗ್ ಪುನೆಪು
ಉಳಿಪು ನಿವಾಸಿ ರಾಕೇಶ್ ವಿಷ ತಿನ್ದ್ದ್ ಆತ್ಮಹತ್ಯೆ ಮಲ್ತೊನರ ತೂತೆರ್. ಆರೆನ್ ಬೊಕ್ಕ ಕುಡ್ಲದ ಆಸ್ಪತ್ರೆಗ್ ಗೋಡ್ಯಾದೆರ್. ಕುಡೊರಿ ಕುಟ್ರುಪಾಡಿ ಕಾಯರಡ್ಕ ನಿವಾಸಿ ಜೋಬಿ ಆ್ಯಸಿಡ್ ಪರ್ದ್ ಆತ್ಮಹತ್ಯೆ ಮಲ್ತೊನರೆ ತೂತಿನ ನಡಕೆ ನಡತ್ದ್ಂಡ್. ಮೆರೆಗ್ ಕಡಬ ಖಾಸಗಿ ಆಸ್ಪತ್ರೆಡ್ ಮರ್ದ್ ನಡತೊಂದುಂಡು.