Last updated on November 19th, 2025 at 04:46 pm
ಬೆಂಗಳೂರು, ನ. 19: ಬೆಂಗಳೂರ್ಡ್ ಪಟ್ಟ ಪಗೆಲ್ಡೇ ಮೈನ್ ರೋಡ್ಡ್ ಎಟಿಎಂ ಗ್ ಕಾಸ್ ಕನೊಪುನ ಗಾಡಿರ್ದ್ 7.11 ಕೋಟಿ ರೂ. ಕನ್ಡದ್ ಕೊನೊತಿನ ನಡಕೆ ಬುಧವಾರ(ನ19) ದಾನಿ ನಡತ್ದ್ಂಡ್.
ಇನ್ನೋವಾ ಕಾರ್ಡ್ ಬತ್ತಿನ 7 ರ್ದ್ 8 ಜನ ಕಲ್ವೆರೆನ ಕೂಟ ಎಟಿಎಂಗ್ ಕಾಸ್ ದಿಂಜಾಯೆರ ಸೌತ್ ಎಂಡ್ ಸರ್ಕಲ್ ದಂಚಿದ ಎಟಿಎಂ ಕೇಂದ್ರೊಲೆನಂಚಿ ಪಿದಡ್ದಿತ್ತಿನ ಗಾಡಿನ್ ಡೇರಿ ಸರ್ಕಲ್ ದ ಕೈತಲ್ ಉಂತಾದ್, ಎಂಕ್ಲ ಆರ್ಬಿಐ ದಕುಲು ಪನ್ದ್ ಮಂಗೆ ಮಲ್ತ್ದ್ ಕಾಸ್ ಕನ್ಡ್ದ್ ಪದ್ರಾಡಾತೆರ್.
ಕನ್ಡ್ನಗ ಎಟಿಎಂ ಗ್ ಕಾಸ್ ದಿಂಜಾವುನ ಗಾಡಿದ ಗನ್ ಮ್ಯಾನ್ ಸೇರ್ದ್ ಒರಿನಕ್ಲೆನ್ಲಾ ಜಪ್ಪಾದ್ ಗಾಡಿದ ಒಟ್ಟುಗು ಡ್ರೈವರ್ನ್ ಡೇರಿ ಸರ್ಕಲ್ಗ್ ಲೆತೊಂದು ಪೋತೆರ್. ಡೇರಿ ಸರ್ಕಲ್ ಫ್ಲೈಓವರ್ದ ಮಿತ್ತ್ ಗಾಡಿಡಿತ್ತಿನ ಕಾಸ್ನ್ ಇನ್ನೋವಾ ಕಾರ್ಗ್ ದಿಂಜಾದ್, ಅಲ್ಪರ್ದ್ ಪದ್ರಾಡಾತೆರ್.
ಸುದ್ದಗುಂಟೆಪಾಳ್ಯ ಪೊಲೀಸೆರ್ ಜಾಗೆಗ್ ಬತ್ತ್ದ್ ಪರಿಶೀಲನೆ ಮಲ್ತ್ದ್, ಕಲ್ವೆರೆನ್ ಪತ್ತೆರೆ ಕಾರ್ಯಾಚರಣೆ ಸುರು ಮಲ್ದೆರ್.
ಎಟಿಎಂ ಗ್ ಕಾಸ್ ದಿಂಜಾವುನ ಗಾಡಿಡಿತ್ತಿನ ಡ್ರೈವರ್, ಇರ್ವೆರ್ ಗನ್ ಮ್ಯಾನ್, ಒರಿ ಸಿಬಂದಿ ಸೇರ್ದ್ ನಾಲ್ವೆರೆನ್ ಪೊಲೀಸ್ ಅಧಿಕಾರಿಲು ವಿಚಾರಣೆ ಮಲ್ತೊಂದಿತ್ತ್ದ್, ಕಲ್ವೆರೆನ್ ಪತ್ತೆರೆ ಉನ್ನತ ಮಟ್ಟೊದ ಕಾರ್ಯಾಚರಣೆ ಸುರುಮಲ್ದೆರ್. ಬೇತೆ ಬೇತೆ ಸಿಸಿಟಿವಿಲೆನ್ ಪರಿಶೀಲನೆ ಮಲ್ತೊಂದುಲ್ಲೆರ್.