Last updated on November 19th, 2025 at 02:46 pm
ಸುಳ್ಯ, ನ. 19: ಬೋರುಗುಡ್ಡೆ ಅಬ್ಬುಲ ಅಡ್ಕತ್ಬೈಲ್ ಮೆರೆನ ಇಲ್ಲಡ್ ಇನಿ ನ.19ದಾನಿ ಕಾಂಡೆ ಅಟಿಲ್ ಮಲ್ಪುನ ಪೊರ್ತುಡು ಗ್ಯಾಸ್ ಸ್ಟೌವ್ ಡ್ ಇತ್ತಿನ ಕುಕ್ಕರ್ ಪುಡದ್ ಅಡ್ಪಿಲ್ಲ್ಗ್ ಹಾನಿ ಆದ್ ಇಲ್ಲದಕುಲು ಪಡಾಯಿರ್ದ್ ಬಚಾವಾತಿನ ನಡಕೆ ಸುಳ್ಯಡ್ ವರದಿ ಆತ್ಂಡ್.
ಕಾಂಡೆದ ತೆನಸ್ ಮಲ್ಪುನ ಪೊರ್ತುಡು ಗ್ಯಾಸ್ ದ ಮಿತ್ತ್ ದೀದಿತ್ತಿನ ಕುಕ್ಕರ್ ಒರಾನೆ ಪುಡಯಿನೆರ್ದಾವರ ಅಟಿಲ್ದ ಅದೆತ ಮದೆಲ್, ಟೈಲ್ಸ್, ಸೀಲಿಂಗ್ ಬೊಕ್ಕ ಅಟಿಲ್ದ ಸಾಮಾನ್ಲೆಗ್ ಹಾನಿ ಆತ್ಂಡ್.
ನಡಕೆ ನಡತಿನ ಪೊರ್ತುಡು ಇಲ್ಲದಕುಲು ಅಡ್ಪಿಲ್ಲ್ದ ಮುಟ್ಟಡೇ ಇತ್ತ್ಂಡಲಾ, ದೇಬೆರೆ ದಯೆಟ್ ಏರೆಗ್ಲಾ ಒವ್ವೇ ರೀತಿದ ಗಡಿಕುಲು, ಪಡಾಯಿ ಆತಿಜಿ ಪನ್ದ್ ತೆರಿದ್ ಬೈದ್ಂಡ್.