Last updated on December 18th, 2025 at 03:27 pm
ಉಳ್ಳಾಲ, ಡಿ. 18: ಬೈಕ್ ಕಾರ್ಗ್ ಎಡ್ತ್ದ್, ಬೈಕ್ಡ್ ಇತ್ತಿನಕುಲಿರ್ವೆರೆಗ್ ಗಾತಿದ ಗಡಿಕುಲಾತಿನ ನಡಕೆ ಉಳ್ಳಾಲ ಸ್ಟೇಶನ್ ಸೀಮೆದ ಕುತ್ತಾರ್ದ ಕೈತಲ್ ಬುಧವಾರ ರಾತ್ರೆ ನಡತ್ದ್ಂಡ್. ಗಡಿಕುಲಾತಿನಕಲೆನ್ ನಿಖಿಲ್ ಬೊಕ್ಕ ಗಗನ್ಜೀತ್ ಪನ್ದ್ ಗುರ್ತ ಪತ್ತ್ದೆರ್.
ಮೊಕುಲು ವಾಮಂಜೂರು ಬೊಕ್ಕ ದೇರಳಕಟ್ಟೆ ಮೂಲೊದಕುಲು ಪನ್ದ್ ತೆರಿದ್ ಬೈದ್ಂಡ್. ಮೊಕುಲು ಪೋವೊಂದಿತ್ತಿನ ಬೈಕ್ ಅಂಕೆ ತತ್ತ್ದ್ ಎದುರುರ್ದ್ ಪೋವೊಂದಿತ್ತಿನ ಕಾರ್ದ ಪಿರವು ಮೆಯಿಕ್ ಎಡ್ತ್ದ್ಂಡ್ಗೆ. ಎಡ್ತೆದ ಬರಸ್ಗ್ ಬೈಕ್ಡಿತ್ತಿನಕುಲು ಸಾದಿಗ್ ರಟ್ಟ್ದ್ ಗಾತಿದ ಗಡಿಕುಲಾತ. ಅಕಲೆನ್ ದೇರಳಕಟ್ಟೆದ ಪ್ರೈವೇಟ್ ಆಸ್ಪತ್ರೆಗ್ ದಾಕಲ್ತ್ದೆರ್. ಈ ಬಗೆಟ್ ಕುಡ್ಲ ಗ್ರಾಮಾಂತರ ಟ್ರಾಫಿಕ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್.