Last updated on December 23rd, 2025 at 09:49 am
ಕುಡ್ಲ, ಡಿ. 23: ಪೇಂಟೆದ ಕಂಕನಾಡಿ-ಪಂಪೈಲ್ ಪರ ಸಾದಿದ ಕಣಿಟ್ ಗದಗ ಮೂಲೊದ ಕಾರ್ಮಿಕನ ಪುನ ಸೋಮಾರ ತಿಕ್ಕ್ದ್ಂಡ್.
ತೀರ್ದಿನಾರೆನ್ ಗದಗ ಜಿಲ್ಲೆದ ಪಡಿಯಪ್ಪೆ ಪನ್ದ್ ಗುರ್ತ ಪತ್ತ್ದೆರ್. ಪುನೊತ ಮಿತ್ತ್ ಗಡಿಕುಲು ತೋಜಿದ್ ಬೈದಿತ್ತ್ದ್, ಬೋಡಾಪಿನ ಜಡ್ತೆ ಮಲ್ಪೊಡು ಪನ್ದ್ ಇಲ್ಲದಕುಲು ಒತ್ತಾಯ ಮಲ್ತ್ದೆರ್.
ತೊರ್ತಲ್ ಸ್ಟೇಷನ್ ಸೀಮೆಡ್ ಒಕ್ಕೆಲ್ ಇತ್ತಿನ ಮೇರ್ ಸನಿಯಾರ ಕಾಂಡೆ ಇಲ್ಲಲರ್ದ್ ಬೇಲೆಗ್ ಪಿದಡ್ದ್ ಪೋದು, ಅವೆರ್ದ್ ಬೊಕ್ಕ ನಾಪತ್ತೆ ಆದಿತ್ತೆರ್. ಆ ಪ್ರಕಾರ ಇಲ್ಲದಕುಲು, ಅಂಚೆನೇ ಬೇತೆ ಒಂತೆ ಜನ ಕೂಡೊಂದು ನಾಡ್ಯೆರ ಪತ್ತ್ದೆರ್.
ಸೋಮಾರ ಬಯ್ಯಾನಗ ಕಣಿಟ್ ಪಡಿಯಪ್ಪೆರೆನ ಪುನ ತಿಕ್ಕ್ದ್ಂಡ್. ಈ ಬಗೆಟ್ ಪೊಲೀಸೆರ್ ಪ್ರಕರಣ ದಾಕಲ್ತೊಂದೆರ್.