Last updated on January 20th, 2026 at 10:27 am
ಪುತ್ತೂರು, ಜ. 20: ತಾರೆಗ್ ಬುಡ್ದಿತ್ತಿಇನ ಎಡ್ಡೆಮುಂಚಿದ ಬೂರುರ್ದ್ ಎಡ್ಡೆಮುಂಚಿ ಕೊಯ್ನಗ ನಿವೃತ್ತ ಶಿಕ್ಷಕೆ ಒರಿ ಬರ್ದು ತೀರ್ದಿನ ನಡಕೆ ಬೆಟ್ಟಂಪಾಡಿ ಪನ್ಪಿನಲ್ಪ ನಡತ್ದ್ಂಡ್.
ತೀರ್ದಿನಾರೆನ್ ಬೆಟ್ಟಂಪಾಡಿ ಗ್ರಾಮೊದ ಗುಮ್ಮಟೆಗದ್ದೆ ನಿವಾಸಿ ನಾರಾಯಣ ನಾಯ್ಕ ಪೈಂತಿಮುಗೇರ್ ಪನ್ದ್ ಗುರ್ತ ಪತ್ತ್ದೆರ್. ನಡಕೆ ಜನವರಿ 19 ದಾನಿ ನಡತ್ದ್ಂಡ್.
ಕಾಂಡೆ ತನ್ನ ಇಲ್ಲದ ಎದುರು ಇತ್ತಿನ ತಾರೆಗ್ ಬುಡ್ತಿನ ಎಡ್ಡೆಮುಂಚಿದ ಬೂರುರ್ದ್ ಅಲ್ಯೂಮಿನಿಯಂ ಏಣಿ ದೀದ್ ಎಡ್ಡೆಮುಂಚಿ ಕೊಯ್ಯೊಂದುಪ್ಪುನಗ ಏಣಿದೊಟ್ಟುಗು ಆರ್ ಮರರ್ದ್ ಜಾರ್ದ್ ಬೂರ್ದೆರ್. ಬೂರ್ದ್ ಗಾತಿದ ಗಡಿಕುಲಾದಿತ್ತಿನ ನಾರಾಯಣ ನಾಯ್ಕೆರೆನ್ ಅಪಗನೇ ಪುತ್ತೂರು ಆಸ್ಪತ್ರೆಗ್ ಲೆತೊಂದು ಪೋತೆರ್. ಆಂಡ ಆರ್ ಪೋಪಿ ಸಾದಿ ನಡುಟೇ ತೀರ್ದೆರ್. ಮೇರ್ ಬೊಡೆದಿ, ಇರ್ವೆರ್ ಆಣ್ ಜೋಕುಲೆನ್ ಅಗತ್ದೆರ್.