Last updated on January 24th, 2026 at 10:10 am
ಕಾರ್ಲ, ಜ. 24: ಪ್ರೈವೇಟ್ ಬಸ್ದ ಡ್ರೈವರ್ನ ಗೋಸ್ಮರಿಡ್ ನಡತಿನ ಭೀಕರ ಎಡ್ತೆಡ್ ತೀರಿನಕ್ಲೆನ ಸಂಖ್ಯೆ 4 ಕ್ ಏರ್ದ್ಂಡ್, 9 ಜನೊಕು ಗಾತಿದ ಗಡಿಕುಲಾದಿತ್ತ್ದ್ ಆಸ್ಪತ್ರೆಡ್ ಮರ್ದ್ ನಡತೊಂದುಂಡು.
ತೀರ್ದಿನಕ್ಲೆನ್ ತೂಫನ್ ಡ್ರೈವರ್ ಮಣ್ಣಪ್ಪೆ, ಚೇತನ್(27), ರೋಹಿತ್(28) ಬೊಕ್ಕ ಮಲ್ಲಮ್ಮ(50) ಪನ್ದ್ ಗುರ್ತ ಪತ್ತ್ದೆರ್. ಸಂಗೀತ (40), ಕವಿತಾ(38), ಬಸವರಾಜ್(56), ಕಿಶೋರ್(28), ಲಕ್ಷ್ಮೀ(25), ಜ್ಯೋತಿ(25), ಜಯಲಕ್ಷ್ಮೀ(24), ರಡ್ಡ್ ವರ್ಸ ಪ್ರಾಯೊದ ಬಾಲೆ ಕುಶಲ್ ಸೇರ್ದ್ 9 ಜನೊಕು ಗಡಿಕುಲಾತ. ಮೊಕುಲು ಮಾತ ಗುಲ್ಬರ್ಗ ಜಿಲ್ಲೆದಕುಲು ಪನ್ದ್ ತೆರಿದ್ ಬೈದ್ಂಡ್.
ಶುಕ್ರವಾರ ಮಧ್ಯಾಹ್ನ ಪ್ರೈವೇಟ್ ಬಸ್ ಬೊಕ್ಕ ತೂಫಾನ್ ಗಾಡಿಲೆನ ನಡುಟು ಮಿಯಾರ್ ಗ್ರಾಮೊದ ಕಂಬುಲಕ್ರಾಸ್ದಲ್ಪ ಭೀಕರ ಎಡ್ತೆ ನಡತಿತ್ತ್ಂಡ್. ತೂಫಾನ್ ಗಾಡಿಡ್ ಒಂಜಿ ಬಾಲೆ ಸೇರ್ದ್ 13 ಜನ ಪೋವೊಂದಿತ್ತ್ದ್ ಉಂದೆಟ್ ಗಾತಿದ ಗಡಿಕುಲಾತಿನ ಐವೆರೆನ್ ಮಣಿಪಾಲದ ಆಸ್ಪತ್ರೆಗ್ ದಾಕಲ್ತ್ದೆರ್. ಕಿಞ್ಞ ಕಿಞ್ಞ ಗಡಿಕುಲಾದ್ ಬಾಲೆ ಪಡಾಯಿರ್ದ್ ಬಚಾವಾದಿತ್ತ್ದ್, ಒರಿನಕ್ಲೆನ್ ಕಾರ್ಲದ ಆಸ್ಪತ್ರೆಗ್ ದಾಕಲ್ತ್ದ್ ಮರ್ದ್ ಮಲ್ತೊಂದುಲ್ಲೆರ್.