Last updated on February 24th, 2026 at 08:51 am
ಒಡಿಪು, ಫೆ. 23: ಸೆಕೆಂಡ್ ಪಿಯುಸಿ ಕಲ್ತೊಂದಿತ್ತಿನ 20 ವರ್ಸ ಪ್ರಾಯೊದ ಜವನ್ದಿ ಒರ್ತಿ ಕಟಪಾಡಿರ್ದ್ ನಾಪತ್ತೆ ಆತಿನ ಬಗೆಟ್ ಒಯಿಲ್ ದಾಕಲಾತ್ಂಡ್.
ನಾಪತ್ತೆ ಆತಿನ ಪೊಣ್ಣನ್ ವಿಜಯಪುರ ಜಿಲ್ಲೆದ ಬಸವನ ಬಾಗೇವಾಡಿ ತಾಲೂಕು ಮೂಲೊದ ದೀಪಾ ಸುರೇಶ್ ಲಮಾಣಿ (20) ಪನ್ದ್ ಗುರ್ತ ಪತ್ತ್ದೆರ್.
ನಾಪತ್ತೆ ಆತಿನ ಜನ್ದಿ ಒಡಿಪು ಪೇಂಟೆದ ಕಾಲೇಜ್ ಒಂಜೆಟ್ ಕಲ್ತೊಂದಿತ್ತ್ದ್, ಕಟ್ಪಾಡಿದ ಆನೆಗುಡ್ಡೆಡ್ ಬಾಡಾಯಿದ ಇಲ್ಲಡ್ ಇತ್ತೆರ್.
ದೀಪಾ ಮೇರ್ ಫೆಬ್ರವರಿ 20 ದಾನಿ ಕಾಲೇಜ್ಗ್ ರಜೆ ಪಾಡ್ದ್ ಇಲ್ಲರ್ದ್ ಪಿದಯಿ ಪೋದಿತ್ತೆರ್. ಆಂಡ, ಆನಿರ್ದ್ ಆರ್ ಇಲ್ಲಗ್ ಪಿರ ಬೈದಿಜೆರ್. ಈ ಬಗೆಟ್ ನಾಪತ್ತೆದ ಒಯಿಲ್ ದಾಕಲಾದಿತ್ತ್ದ್, ಪೊಲೀಸೆರ್ ನಾಡೊಂದುಲ್ಲೆರ್
ದೀಪಾ 5 ಫೀಟ್ 6 ಇಂಚಿ ಎತ್ತರ, ಗೋಧಿ ಬಣ್ಣ ಬೊಕ್ಕ ಸಾಧಾರಣ ಮೆಯಿಕಟ್ಟ್ ಉಂಡು. ಆರ್ ಕನ್ನಡ, ಲಂಬಾಣಿ ಬೊಕ್ಕ ಹಿಂದಿ ಭಾಷೆ ಪಾತೆರುವೆರ್.
ಈ ಪೊಣ್ಣನ ಬಗೆಟ್ ಒವ್ವೇ ಒಲವು ತಿಕ್ಕ್ಂಡ ಸಾರ್ವಜನಿಕೆರ್ ಅಪಗನೇ ಕಾಪು ಪೊಲೀಸ್ ಸ್ಟೇಶನ್ಗ್ ತೆರಿಪಾಲೆ ಪನ್ದ್ ಕೇನೊನ್ದೆರ್.