Last updated on February 25th, 2026 at 09:44 am
ಮಂಜೇಶ್ವರ : ರಾಷ್ಟ್ರಕವಿ ಮಂಜೇಶ್ವರ ಗೋವಿಂದ ಪೈ ಸ್ಮಾರಕ ಗಿಳಿವಿಂಡು ಡ್ ತ್ರಿಭಾಷಾ ಕವಿಸಂಗಮ ಫೆಬ್ರವರಿ 22 ನೇ ಐತಾರ ಮದ್ಯಾನ ನಡತ್ಂಡ್. ಬೆಂಗಳೂರ್ದ ದ್ರಾವಿಡ ಭಾಷಾ ಟ್ರಾನ್ಸ್ಲೇಟರ್ಸ್ ಅಸೋಸಿಯೇಷನ್ ಅಟ್ಟನೆ ಮಲ್ತಿತ್ತಿನ ಲೇಸ್ಡ್ ತುಳು ಮಲಯಾಳಂ ಬೊಕ್ಕ ಕನ್ನಡ ಭಾಷೆಲೆಡ್ ಸುಮಾರ್ 35 ಕಬಿಕುಲು ಕಬಿತೆಲೆನ್ ಓದ್ಯೆರ್. ಭಾಷೆಲೆನ ನಡುಟು ಬಾಂಧವ್ಯ ಗಟ್ಟಿ ಮಲ್ಪುನ, ಪರಸ್ಪರ ಸಂವಹನ ಮಲ್ಪುನ ದಿಟ್ಟಿಡ್ ಮೂಜಿ ದ್ರಾವಿಡ ಭಾಷೆಲೆಡ್ ಕಬಿತೊಲೆನ್ ಪ್ರಸ್ತುತ ಮಲ್ತೆರ್.
ಕೇಂದ್ರ ಬೊಕ್ಕ ಕೇರಳ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ ಗೆಂದಿನ, ಪುಗರ್ತೆದ ಅನುವಾದಕೆ ಬೊಕ್ಕ ಬರವುಗಾರೆ ಕೆ.ವಿ. ಕುಮಾರನ್ ಮೇರ್ ಲೇಸ್ದ ಉದಿಪನ ಮಲ್ತೆರ್. ದ್ರಾವಿಡ ಭಾಷಾ ಟ್ರಾನ್ಸ್ಲೇಟರ್ಸ್ ಅಸೋಸಿಯೇಷನ್ದ ಗುರ್ಕಾರ್ದಿ ಡಾ.ಸುಷ್ಮಾ ಶಂಕರ್ ಅಧ್ಯಕ್ಷತೆ ವಯಿತೊಂಡೆರ್, ಹಂಪಿ ವಿಶ್ವವಿದ್ಯಾಲಯೊದ ರಿಟೈರ್ಡ್ ಪ್ರೊ.ಮೋಹನ್ ಕುಂಟಾರ್, ತುಳು ಬರವುಗಾರ್ತಿ ಕುಶಾಲಾಕ್ಷಿ ಕಣ್ವತೀರ್ಥ ಮಲ್ಲ ಬಿನ್ನೆರಾದ್ ಇತ್ತೆರ್. ಬಿ.ಶಂಕರ್, ರವೀಂದ್ರನ್ ಪಾಡಿ, ಪ್ರೊ.ರಾಕೇಶ್ ವಿ.ಎಸ್., ರೆಬಿನ್ ರವೀಂದ್ರನ್ ಇಂಚ ಕಬಿಕುಲು ಪಾಲ್ಪಡೆದಿತ್ತೆರ್.
ಸುರಬ್, ಸಿಹಾನ ಬಿ.ಎಂ., ಮೀನಾಕ್ಷಿ ಬೊಡ್ಕೊಡಿ, ರಾಘವನ್ ಬೆಳ್ಳಿಪ್ಪಾಡಿ, ಪುಷ್ಪಾಕರನ್ ಬೆಂಡಿಚಾಲ್, ಡಾ.ಆಶಾಲತಾ ಸಿ.ಕೆ., ಸತೀಶ್ ಸಾಲಿಯಾನ್, ಲಕ್ಷ್ಮಿ ಕೆ., ಸುಂದರ ಬಾರಡ್ಕ, ಬಾಲಕೃಷ್ಣ ಬೇರಿಕೆ, ಜ್ಯೋತ್ಸಾ ಕಡಂದೇಲು, ಸುನೀತಾ ಕರಿಚೇರಿ, ಸುಭಾಷ್ ಪೆರ್ಲ, ಅರ್ಶಿತಾ ಸಿ.ಎಚ್., ಬಶೀರ್ ಅಹ್ಮದ್ ಸಿದ್ದಿಕ್, ಷರೀಫ್ ಕೊಡವಂಜಿ, ಭಾಸ್ಕರ್ ಎ.ವರ್ಕಾಡಿ, ಚೇತನ್ ವರ್ಕಾಡಿ, ಚೇತನ ಕೆ., ದರ್ಶನ್ ಕುಮಾರ್, ಗಣೇಶ್ ಪ್ರಸಾದ್ ನಾಯಕ್, ಎಂ.ಪಿ. ಜಿಲ್ ಜಿಲ್, ಮಂಗಳೂರು ರಿಯಾಸ್, ನಿಖಿಲ್ ಕುಮಾರ್ ಎಂ., ರವೀಂದ್ರಕುಲಾಲ್ ವರ್ಕಾಡಿ, ಪುಷ್ಪ ಕೊಲವಯಲ್, ಸರ್ವಮಂಗಳಾ ಜಯ್ ಪುಣಿಂಚಿತ್ತಾಯ, ಸವಿತಾ ಕರ್ಕೇರಾ, ಸೌಮ್ಯ ಆರ್.ಶೆಟ್ಟಿ, ಶ್ರೀನಿವಾಸ ಪರಿಕ್ಕಾನ, ವನಜಾಕ್ಷಿ ಪಿ. ಚೆಂಬ್ರಕಾನ ಬೊಕ್ಕ ವಿಶ್ವಾಸ್ ಮಂಗಲ್ಪಾಡಿ ಅಂಚೆನೇ ಬೇತೆ ಕಬಿಕುಲು ಕಬಿತೆ ಓದಿಯೆರ್.