Last updated on March 2nd, 2026 at 08:22 am
ಕುಡ್ಲ, ಮಾ. 02: ಸುಸೈಡ್ ಪಾಯಿಂಟ್ ಆದೇ ಪುದರಾದಿತ್ತಿನ, ನೇತ್ರಾವತಿ ಸಂಕೊದ ಬೇಲಿ ಗಾಡಿ ಒಂಜಿ ಎಡ್ತ್ದ್ ಪೊಲಿದಿತ್ತ್ದ್, ಒಂತೆ ದಿನೊಟೇ ಆಂಜೊವು ಒರಿ ಸಂಕೊರ್ದು ಸುದೆಕ್ ಲಾಗಿದ್ ಆತ್ಮಹತ್ಯೆ ಮಲ್ತೊನರೆ ತೂತಿನ ನಡಕೆ ನಡತ್ದ್ಂಡ್. ಆ ಆಂಜೊವುನು ಸುದೆಟ್ ಮೀನ್ ಪತ್ತೊಂದಿತ್ತಿನ ಮೀನ್ಗಾರೆರ್ ಬದ್ಕಾದ್ ಪ್ರಾಥಮಿಕ ಚಿಕಿತ್ಸೆ ಕೊರ್ತೆರ್.
ಪಂಪ್ ವೆಲ್ ನಾಗುರಿ ನಿವಾಸಿ, ಪ್ರಾಯೊದಾರ್ ಒರಿ ಐತಾರ ಸಂಕೊರ್ದು ಸುದೆಕ್ ಲಾಗಿದೆರ್. ತಿರ್ತ್ ಮೀನ್ ಪತ್ತೊಂದಿತ್ತಿನಕುಲು ಅಪಗನೇ ಸುದೆಕ್ ಲಾಗಿದ್ ಆ ಆಂಜೊವುನು ಓಡದಡೆ ಒಯ್ತೊಂದು ಬತ್ತ್ದ್ ಪ್ರಾಥಮಿಕ ಚಿಕಿತ್ಸೆಗ್ ಆಸ್ಪತ್ರೆಗ್ ದಾಕಲ್ತ್ದೆರ್.
ಒಂತೆ ದಿನೊಕು ದುಂಬು, ನೇತ್ರಾವತಿ ಸಂಕೊಗು ಅರುಟೆ ಪಾಡ್ದಿನ ಬೇಲಿ ಗಾಡಿ ಒಂಜಿ ಎಡ್ತ್ದ್ ಪೊಲಿದ್ ಪೋದಿತ್ತ್ಂಡ್. ಲಕ್ಷಗಟ್ಲೆ ಕರ್ಚಿ ಮಲ್ತ್ದ್ ಕಟ್ಟ್ದಿನ ಬೇಲಿದ ರಿಪೇರಿಗ್ ಇಲಾಖೆಗಳು ಎದುರು ಬೈದಿಜ. ಇತ್ತೆ ಅಲ್ಪರ್ದೇ ಆ ಆಂಜೊವು ಲಾಗಿದುಪ್ಪೊಡು ಪನ್ದ್ ಮೀನ್ಗಾರೆರ್ ಪನೊಂದುಲ್ಲೆರ್. ಮೀನ್ ಪತ್ತುನಕುಲಾಯಿನ ಜಮಾಲ್, ಇದಿನಬ್ಬ ಬೊಕ್ಕ ಮೈಯ್ಯದಿ ಆತ್ಮಹತ್ಯೆ ಮಲ್ತೊನರೆ ತೂಯಿನ ಆಂಜೊವುನ್ ಬದ್ಕಾಯಿನಕುಲು.