Last updated on March 9th, 2026 at 03:55 pm
ಬಾವುಟಗುಡ್ಡೆ, ಮಾ. 9: ಸಂತ ಅಲೋಶಿಯಸ್ ಪರಿಗಣಿತ ವಿಶ್ವವಿದ್ಯಾಲಯೊದ ಎಐಎಂಐಟಿ ಕ್ಯಾಂಪಸ್ಡ್ ಬರ್ಡ್ ಕೌಂಟ್ ಇಂಡಿಯಾ ಇಬರ್ಡ್ ಸಕಾಯೊಡು ನಡಪಾಯಿನ ರಾಷ್ಟ್ರವ್ಯಾಪಿ ಗ್ರೇಟ್ ಬ್ಯಾಕ್ಯಾರ್ಡ್ ಬರ್ಡ್ ಕೌಂಟ್ದ ಭಾಗ ಆದ್ ಕ್ಯಾಂಪನ್ ಬರ್ಡ್ ಕೌಂಟ್-2026 ನ್ ಮಲ್ತೆರ್.
ಪ್ರಾಣಿಶಾಸ್ತ್ರ ವಿಭಾಗೊದ ಸಕಾಯಕ ಪ್ರಾಧ್ಯಾಪಕೆ ಕಿರಣ್ ವಟಿ ಕೆ. ಬೊಕ್ಕ ಗ್ಲಾವಿನ್ ಥಾಮಸ್ ರೊಡ್ರಿಗಸ್ ಮೆರೆನ ಮಾರ್ಗದರ್ಶನೊಡು ಪ್ರಾಣಿಶಾಸ್ತ್ರ ವಿಭಾಗೊದ ಅಧ್ಯಾಪಕ ಪದುಕೆರ್ ಬೊಕ್ಕ ಜೋಕುಲು ಪಾಲ್ಪಡೆದಿತ್ತೆರ್. ಈ ಸರ್ವೇಡ್ ಕ್ಯಾಂಪಸ್ದ ಉಲಯಿ ಬೇತೆ ಬೇತೆ ಜಾಗೆಲೆಡ್ ಪಕ್ಷಿ ವೈವಿಧ್ಯತೆತ ವ್ಯವಸ್ಥಿತ ವೀಕ್ಷಣೆ ಬೊಕ್ಕ ದಾಖಲಾತಿ ಇತ್ತ್ಂಡ್. ಈ ವರ್ಸೊದ ರಡ್ಡ್ ದಿನೊತ ಸಮೀಕ್ಷೆಡ್ ಕ್ಯಾಂಪಸ್ಡ್ 51 ಜಾತಿದ ಪಕ್ಕಿಲೆನ ದಾಖಲೆ ಮಲ್ತ್ದೆರ್.
ಕ್ಯಾಂಪಸ್ಡೊರ್ಮೆ ತೋಜಿದ್ ಬರ್ಪುನ ಬೇತೆ ಬೇತೆ ಪಕ್ಕಿಲೆನ ಜಾತಿಲೆನ್ ಕಿರಣ್ ವತಿ ಕೆ. ಮೆರೆನ ಲೆನ್ಸ್ ಮುಕೇನ ಕೈದ್ ಮಲ್ತ್ದೆರ್. ಐತ ಒಟ್ಟುಗು ಕ್ಯಾಂಪಸ್ದ 17 ಎಕರೆ ಜಾಗೆಡ್ 2022 ರ್ದ್ ಒಟ್ಟು 73 ಜಾತಿದ ಪಕ್ಕಿಲು ದಾಕಲಾತ.
ತಿಕ್ಕ್ದಿನ ಪಕ್ಕಿಲು
ಮೈರ್, ರಾಕ್ ಪುದ ಬೊಕ್ಕ ಬೊಟ್ಟ ಪುದ, ಬೊಲ್ಯ ತಿಗಲೆದ ವಾಟರ್ಹೆನ್, ಕಾಮನ್ ಸ್ಯಾಂಡ್ಪೈಪರ್, ಇಂಡಿಯನ್ ಪಾಂಡ್-ಹೆರಾನ್, ಈಸ್ಟರ್ನ್ ಕ್ಯಾಟಲ್ ಎಗ್ರೆಟ್ ಬೊಕ್ಕ ಗ್ರೇಟ್ ಎಗ್ರೆಟ್, ಕ್ರೆಸ್ಟೆಡ್ ಸರ್ಫೇಂಟ್-ಈಗಲ್, ಶಿಕ್ರಾ, ಬ್ಲ್ಯಾಕ್ ಕೈಟ್ ಬೊಕ್ಕ ಬ್ರಾಹ್ಮನಿ ಕೈಟ್ದಂಚಿನ ರಾಪ್ಟರ್, ಆಶಿ ಡ್ರೊಂಗೊ, ಗ್ರೇಟರ್ ರಾಕೆಟ್-ಟೈಲ್ಡ್ ಡ್ರೊಂಗೊ, ಗ್ರೀನ್ ವಾರ್ಬ್ಲರ್ ಬೊಕ್ಕ ಇಂಡಿಯನ್ ಪ್ಯಾರಡೈಸ್-ಫ್ಲೈ ಕ್ಯಾಚರ್, ಬೊಲ್ದು ಕೆಪ್ಪೆದ ಬಾರ್ಬೆಟ್, ಕಪ್ಪು-ರಂಪ್ಸ್ ಪ್ಲೇಮ್ ಬ್ಯಾಕ್, ಗುಲಾಬಿ-ರಿಂಗ್ಸ್ ಪ್ಯಾರಕೀಟ್, ಕಪ್ಪು ಹುಡೆಡ್ ಓರಿಯೋಲ್ ಬೊಕ್ಕ ಭಾರತೀಯ ಗೋಲ್ಡನ್ ಓರಿಯೊಲ್ ಪರ್ಪಲ್-ರಂಪ್ಸ್ ಸನ್ ಬರ್ಡ್, ಲೋಟೆನ್ಸ್ ಸನ್ ಬರ್ಡ್ ಬೊಕ್ಕ ಗೋಲ್ಡನ್ ಫ್ರಂಟೆಡ್ ಲೀಫ್ ಬರ್ಡ್, ಬ್ಲ್ಯಾಕ್-ನೇಸ್ತ್ ಮೊನಾರ್ಕ್, ಓರಿಯಂಟಲ್ ಮ್ಯಾಗ್ನಿ-ರಾಬಿನ್, ಆರೆಂಜ್-ಹೆಡೆಡ್ ಥ್ರಷ್ ಸ್ಟೇಲಿ-ಬ್ರೆಸ್ಟೆಡ್ ಮ್ಯೂನಿಯಾ ಬೊಕ್ಕ ವೈಟ್-ರಂಪ್ ಮ್ಯೂನಿಯಾ ಸೇರ್ದ್ ಬುಲ್ಬುಲ್, ಬಾಬ್ಲಿರ್, ಮುನಿಯಾ, ಮೈನಾ ಬೊಕ್ಕ ಫ್ಲೈ ಕ್ಯಾಚರ್ ಲೆನ್ ಪತ್ತೆ ಮಲ್ತ್ದೆರ್.