Last updated on March 23rd, 2026 at 03:12 pm
ಒಡಿಪು, ಮಾ. 23: ಬೈಕ್ ಬೊಕ್ಕ ಟೆಂಪೋದ ನಡುಟು ನಡತಿನ ಎಡ್ತೆಡ್ ಬೈಕ್ ಬುಡೊಂದಿತ್ತಿನಾರ್ ಅಲ್ಪನೇ ತೀರ್ದಿನ ನಡಕೆ ಅತ್ರಾಡಿ ಕಬ್ಯಾಡಿ ಅರ್ಮನ್ ಫ್ಯಾಕ್ಟರಿದಲ್ಪ ಇನಿ, ಮಾ. 23ತ ಸೋಮಾರ ನಡತ್ದ್ಂಡ್.
ತೀರ್ದಿನಾರೆನ್ ಹೆರ್ಗದ ಭಾಸ್ಕರ್ ನಾೖಕ್ (70) ಪನ್ದ್ ಗುರ್ತ ಪತ್ತ್ದೆರ್. ಎದುರರ್ದ್ ಬರೊಂದಿತ್ತಿನ ಬೈಕ್ಗ್ ಅತ್ರಾಡಿ ಆದ್ ಮೂಡುಬೆಳ್ಳೆದಂಚಿ ಪೋವೊಂದಿತ್ತಿನ 407 ಟೆಂಪೊ ಎಡ್ತ್ದ್ಂಡ್ ಪನ್ದ್ ವರದಿ ಆತ್ಂಡ್. ಎಡ್ತೆರ್ದಾವರ ಬೈಕ್ಡ್ ಇತ್ತಿನ ಇರ್ವೆರ್ ರೋಡ್ಗ್ ರಟ್ಟ್ದ್, ಗಾತಿದ ಗಡಿಕುಲಾತಿನ ಭಾಸ್ಕರ್ ಅಲ್ಪನೇ ತೀರ್ದೆರ್.
ಬೈಕ್ಡ್ ಪಿರವುಡು ಕುಲ್ದಿತ್ತಿನಾರೆಗ್ಲಾ ಗಾತಿದ ಗಡಿಕುಲಾದಿತ್ತ್ದ್, ಆರೆನ ಕಾರ್ ಕಟ್ ಆತ್ಂಡ್ ಪನ್ದ್ ತೆರಿದ್ ಬೈದ್ಂಡ್. ಪೋಲೀಸೆರ್ ಬತ್ತ್ದ್ ಪರಿಶೀಲನೆ ಮಲ್ತ್ದೆರ್.