Last updated on March 30th, 2026 at 09:59 am
ಮುಂಬೈ, ಮಾ. 30: ಇರಾನ್, ಇಸ್ರೇಲ್, ಅಮೆರಿಕದ ನಡುತ ಕೊಲಲ ದುಂಬರಿಯೊಂದಿತ್ತ್ದ್, ಕ್ರೂಡ್ ಆಯಿಲ್ದ ಬಿಲೆ ಏರ್ದಿನೆರ್ದಾವರ ಸೋಮವಾರ (ಮಾ.30) ಮುಂಬೈ ಸ್ಟಾಕ್ ಮಾರ್ಕೆಟ್ ಸೆನ್ಸರಿ ಇಂಡೆಕ್ಸ್ ಸುರುತ ವೈವಾಟ್ಡ್ 1000ರ್ದ್ಲಾ ಎಚ್ಚ ಪಾಯಿಂಟ್ ಬೂರ್ದ್ಂಡ್.
ಸ್ಟಾಕ್ ಮಾರ್ಕೆಟ್ ಸೆನ್ಸರಿ ಇಂಡೆಕ್ಸ್ 1,066.36 ಅಂಕೊದಾತ್ ಜತ್ತ್ದ್ 72,516.86 ಅಂಕೊಡು ವೈವಾಟ್ ಮಲ್ತೊಂದುಂಡು. ಅಂಚೆನೇ ಎನ್ಎಸ್ಇ ನಿಫ್ಟಿ ಲಾ 316.30 ಅಂಕೊದಾತ್ ಜತ್ತ್ದ್ 22,503.30 ಅಂಕೊಗು ಎತ್ತ್ದ್ಂಡ್.
ಇಂಡೆಕ್ಸ್, ನಿಫ್ಟಿ ಬೂರ್ದಿನೆರ್ದಾವರ ಆಕ್ಸಿಸ್ ಬ್ಯಾಂಕ್, ಕೋಟಕ್ ಮಹೀಂದ್ರ ಬ್ಯಾಂಕ್ ಲಿಮಿಟೆಡ್, ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ, ಟ್ರೆಂಟ್, ಬಜಾಜ್ ಫಿನ್ ಸರ್ವ್, ಆಲ್ಮಾ ಟೆಕ್ ಸಿಮೆಂಟ್, ಈಚರ್ ಮೋಟಾರ್ಸ್ ಷೇರ್ಲು ನಷ್ಟ ತೂತ.
ಕುಡೊಂಜಿ ಕಡೆಟ್ ಹಿಂಡಲ್ಕೋ ಇಂಡಸ್ಟ್ರೀಸ್, ಕೋಲ್ ಇಂಡಿಯಾ, ಭಾರತ್ ಇಲೆಕ್ಟ್ರಾನಿಕ್ಸ್, ಒಎನ್ಜಿಸಿ, ರಿಲಯನ್ಸ್ ಇಂಡಸ್ಟ್ರೀಸ್ ಷೇರ್ಲು ಲಾಭಡ್ ಉಲ್ಲ. ಸೋಮವಾರದ ಸುರೂಟೆ ವೈವಾಟ್ ಭಾರೀ ಬೂರ್ದಿನೆರ್ದಾವರ ಸ್ಟಾಕ್ ಮಾರ್ಕೆಟ್ಡ್ ಪಾಡ್ದಿನ ಲಕ್ಷಗಟ್ಲೆ ಕಾಸ್ ಕರದ್ ಪೋತಿಲೆಕ ಆತ್ಂಡ್!