Last updated on March 30th, 2026 at 11:19 am
ಕುಡ್ಲ, ಮಾ. 30: ತೊಕ್ಕೊಟ್ಟು ಡ್ ಇಂಚಿಪ ಆರಿಫ್ನ್ ಕೆರ್ತಿನ ಪ್ರಕರಣೊದ ನನದ ಜಡ್ತೆನ್ ಸಿಸಿಬಿ ಎಸಿಪಿ ಕೂಟೊಗು ಕೊರ್ತೆರ್. ಪ್ರಕರಣೊಡು ಆಜಿ ಜನ ಆರೋಪಿಲು ಪಾಲ್ಪಡೆತಿನೆನ್ ಗುರ್ತ ಪತ್ತ್ದಿತ್ತ್ದ್, ಆರೋಪಿಲು ಉಂತಿನಲ್ಪ ಉತಂದೆ ಇಪ್ಪುನೆರ್ದಾವರ, ಜಡ್ತೆ ಕೂಟೊಗು ಅಕ್ಲೆನ್ ಬೇಗ ಕೈದ್ ಮಲ್ಪುನ ಬಂಙ ಆತ್ಂಡ್ ಪನ್ದ್ ಕುಡ್ಲ ನಗರ ಪೊಲೀಸ್ ಆಯುಕ್ತೆರ್ ಸುಧೀರ್ ಕುಮಾರ್ ರೆಡ್ಡಿ ಒಲವು ಕೊರ್ತೆರ್.
“ಜಡ್ತೆದ ಪೊರ್ತುಡು ಎಂಕ್ಲೆನ ಕೂಟೊಲು ಮಾತಾ ಪ್ಲಾನ್ ಬೊಕ್ಕ ನಡಕೆಲೆನ ಸೀರೀಸ್ನ್ ಪಿರ ಕಟ್ಟ್ದ್ ಕೊರ್ದಿತ್ತ್ದ್, ಈ ಪೊರ್ತುಡು ಪ್ರಕರಣೊಡಕ ನನಲಾ ಕೆಲ ಜನೊಕುಲು ಪಾಲ್ಪಡೆತಿನ ತೋಜಿದ್ ಬೈದ್ಂಡ್. ಅಪರಾಧ ಮಲ್ಪೆರ ಅತ್ತ್ಂಡ ಆರೋಪಿಲು ತಪ್ಪಾವೊಂದು ಪೋಯೆರ ಅಂಚೆನೇ ದೆಂಗ್ ತಪ್ಪಾಯೆರ ಸಕಾಯ ಮಲ್ದಿನ ಶಂಕೆ ಇಪ್ಪುನಕಲೆನ್ ಇತ್ತೆ ವಿಚಾರಣೆ ಮಲ್ತೊಂದುಲ್ಲೆರ್. ಅಕುಲು ಪಾಲ್ಪಡೆತಿನ ದೃಢ ಆಂಡ, ಅಕಲೆನ್ಲಾ ಕೈದ್ ಮಲ್ಪ” ಪನ್ದ್ ತೆರಿಪಾದೆರ್.
“ಆರೋಪಿಲೆಗ್ ಒವ್ವೇ ರೀತಿಡ್ ಸಕಾಯ ಮಲ್ಪುನಕುಲು ಭಾರತೀಯ ನ್ಯಾಯ ಸಂಹಿತೆ (BNS) ಸೆಕ್ಷನ್ 249(a) ಅಡಿಟ್ ಶಿಕ್ಷೆ ತಿನೊಡಾಪುಂಡು. ಈ ನಿಯಮೊನು ಪಾಲಿಪಂದಿನಕಲೆನ ಮಿತ್ತ್ ಚೂರುಲಾ ಅಮರಂದೆ ಕಠಿಣ ಕ್ರಮ ಗೆತೊನುವ” ಪನ್ದ್ ಪನ್ಡೆರ್.