Last updated on April 19th, 2026 at 02:24 pm
ಬೋಲ್ತೇರ್, ಏ. 19 : ಅಪ್ರಾಪ್ತ ಪ್ರಾಯೊದ ಪೊಣ್ಣನ್ ಕಾಡ್ಗ್ ಲೆತೊಂದು ಪೋದು ಅತ್ಯಾಚಾರ ಮಲ್ತಿನ ಆರೋಪಡ್ ಇರ್ವೆರ್ ಆರೋಪಿಲೆನ್ ಧರ್ಮಸ್ಥಳ ಪೊಲೀಸೆರ್ ಕೈದ್ ಮಲ್ತ್ದೆರ್. ಬೋಲ್ತೇರ್ ತಾಲೂಕ್ದ ಕಡುರುದ್ಯಾವರ ಗ್ರಾಮೊದ ಸುಮಂತ್(28) ಬೊಕ್ಕ ಬೋಲ್ತೇರ್ ತಾಲೂಕ್ದ ಗರ್ಡಾಡಿ ಗ್ರಾಮೊದ ನವನೀತ್(26) ಕೈದಾತಿನ ಆರೋಪಿಲು.
ಧರ್ಮಸ್ಥಳ ಪೊಲೀಸ್ ಸ್ಟೇಶನ್ ಸೀಮೆದ 15 ವರ್ಸ ಪ್ರಾಯೊದ ಪೊಣ್ಣನ್ ಆರೋಪಿಲು ಮರ್ಲ್ ಮಲ್ತ್ದ್ ಎ.16ತಾನಿ ಎರ್ಮಾಯಿ ಫಾಲ್ಸ್ ಕೈತಲ್ದ ಕಾಡ್ಗ್ ಲೆತೊಂದು ಪೋದು ಅತ್ಯಾಚಾರ ಮಲ್ದಿನ ಬಗೆಟ್ ಸಂತ್ರಸ್ತೆದಿ ಇಲ್ಲದಕಲೆಗ್ ತೆರಿಪಾದಲ್. ಈ ಬಗೆಟ್ ಪೊಣ್ಣನ ಅಪ್ಪೆಅಮ್ಮೆ ಧರ್ಮಸ್ಥಳ ಪೊಲೀಸ್ ಸ್ಟೇಶನ್ಡ್ ಎ.17ತಾನಿ ಒಯಿಲ್ ಬರೆಪಾದೆರ್.
ಒಯಿಲ್ದ ಪ್ರಕಾರ ಪೊಕ್ಸೋ ಕಾಯ್ದೆದಡಿಟ್ ಪ್ರಕರಣ ದಾಕಲ್ತೊಂದಿನ ಪೊಲೀಸೆರ್ ಏ.18ದಾನಿ ಬಯ್ಯಡ್ ಆರೋಪಿಲೆನ್ ಕೈದ್ ಮಲ್ತಿತ್ತ್ದ್, ಜಡ್ತೆ ನಡತೊಂದುಂಡು. ಕೈದಾತಿನ ಆರೋಪಿ ಸುಮಂತ್ ಗ್ ಮೇ 10 ಕ್ ಮದಿಮೆ ನಿಗಂಟ್ ಆತ್ಂಡ್ ಪನ್ದ್ ತೆರಿದ್ ಬೈದ್ಂಡ್