Last updated on June 11th, 2026 at 09:47 am
ಪುತ್ತೂರ್, ಜೂ. 11: ಪೋಕ್ಸೋ ಕಾಯ್ದೆದಡಿಟ್ ದಾಕಲಾದಿತ್ತಿನ ಪ್ರಕರಣೊಡು ನ್ಯಾಯಂತಡೆಡ್ ವಿಚಾರಣೆಗ್ ಬರಂದೆ ದೆಂಗ್ತಪ್ಪಾದಿತ್ತಿನ ಆರೋಪಿನ್ ಪುತ್ತೂರ್ ಪೊಲೀಸೆರ್ ಪೋಕ್ಸೋ ಕಾಯ್ದೆದಡಿಟ್ ಕೈದ್ ಮಲ್ತ್ದೆರ್.
ನರಿಮೊಗೇರ್ ನಿವಾಸಿ ನಮನ್ ನಾಯಕ್ (32ವ.)ಕೈದಾತಿನ ಆರೋಪಿ. ಪುತ್ತೂರ್ ನಗರ ಪೊಲೀಸ್ ಸ್ಟೇಶನ್ಡ್ ಕಲಂ 448, 506, 354 ಐಪಿಸಿ ಕಲಂ 12 ಟ್ ದಾಕಲಾದಿತ್ತಿನ ಪ್ರಕರಣೊಡು (ಅ.ಕ್ರ.53/22018) ಆರೋಪಿ ಆದುಪ್ಪುನ ನಮನ್ ನಾಯಕ್ ನ್ಯಾಯಂತಡೆಡ್ ನಡತೊಂದುಪ್ಪುನ ವಿಚಾರಣೆಗ್ ಬರಂದೆ ದೆಂಗ್ತಪ್ಪಾದಿತ್ತಿನೆರ್ದಾವರ ನ್ಯಾಯಂತಡೆ ಆರೋಪಿನ ಮಿತ್ತ್ ವಾರಂಟ್ ಜಾರಿ ಮಲ್ತಿತ್ತ್ಂಡ್. ಪುತ್ತೂರ್ ನಗರ ಪೊಲೀಸೆರ್ ಬೆಂಗಳೂರ್ದ ಕೂಡ್ಲುಪೇಟೆ ಪನ್ಪಿನಲ್ಪ ಆರೋಪಿನ್ ಉಲಕೈ ಮಲ್ತೊಂದು ನ್ಯಾಯಂತಡೆದ ಎದುರು ಲೆತೊಂದು ಪೋತೆರ್. ನ್ಯಾಯಂತಡೆ ಆರೋಪಿಗ್ 15 ದಿನೊತ ನ್ಯಾಯಾಂಗ ಕೈದ್ ಕೊರ್ತುಂಡು.