Last updated on June 12th, 2026 at 12:33 pm
ಪುತ್ತೂರ್, ಜೂ. 12: ಸಾಂಕುನ ಮುರ್ಗೊಲೆನ ಮಿತ್ತ್ದ ಮೋಕೆ ವಾ ನಮುನೆ ಇಪ್ಪುಂಡು ಪನ್ಪಿನೆಕ್ ಒಂಜಿ ಭಾವನಾತ್ಮಕ ಉದಾರ್ಮೆ ತಿಕ್ಕ್ದ್ಂಡ್. ಪುತ್ತೂರ್ದ ಮುರ ಪೋಳ್ಯ ಮಠದ ಕೈತಲ್ದ ಗಣೇಶ್ ಕೇರ ಪನ್ಪಿನಾರ್ ಇಲ್ಲಡ್ ಮೋಕೆಡ್ ಸಾಂಕೊಂದಿತ್ತಿನ ‘ಚಿನ್ನು’ ಪನ್ಪಿ ಕೂರೆ ಕರಿನ ವಾರೊರ್ದಿಂಚಿ ತೋದಂದೆ ಆದಿತ್ತ್ದ್, ಚಿನ್ನು ನ್ ನಾಡ್ಯೆರ ಇಲ್ಲದಕುಲು ಬಾರೀ ಪುನೆಯೊಂದುಲ್ಲೆರ್.
ಇಲ್ಲದ ಗೇಟ್ ದೆತ್ತ್ದ್ ಇತ್ತಿನ ಪೊರ್ತುಡು ಪಿದಯಿ ಪೋತಿನ ಚಿನ್ನು ಪಿರ ಇಲ್ಲಗ್ ಬೈದಿಜೆ. ಅವೆರ್ದ್ ಬೊಕ್ಕ ಇಲ್ಲದಕಲೆಗ್ ಉಲ್ಲಸೊನೇ ದಾಂತೆ ಪೋತುಂಡು, ಚಿನ್ನು ನ್ ನಾಡ್ಪತ್ತೆರೆ ಪಾಕ ಕಡೆಟ್ ಪಲವೆ ಮಾತಾ ಪಾಡೊಂದುಲ್ಲೆರ್. ದುಂಬು ಚಿನ್ನುಗು ಆರೋಗ್ಯ ಸಮಸ್ಯೆ ಇತ್ತ್ಂಡ್, ಅವೆಕ್ ಬೋಡಾಪಿನ ಮರ್ದ್ ಮಲ್ತಿಬೊಕ್ಕ ಉಸಾರಾದಿತ್ತೆ ಪನ್ದ್ ಇಲ್ಲದಕುಲು ತೆರಿಪಾದೆರ್. ಅಕ್ಲೆನ ಮೋಕೆದ ಕೂರನ್ ನಾಡ್ಪತ್ತೆರ ಬೋಡಾದ್ ಚಿನ್ನುನ ಬಗೆಟ್ ಒಲವು ಕೊರ್ನಕ್ಲೆಗ್ ಅತ್ತ್ಂಡ ನಾಡ್ದ್ ಕೊರ್ನಕ್ಲೆಗ್ ₹50ಸಾರ ಬಹುಮಾನ ಕೊರ್ಪೆ ಪನ್ದ್ ಗಣೇಶ್ ಕೇರ ಘೋಷಣೆ ಮಲ್ತ್ದೆರ್.
ಚಿನ್ನು ತೂಯೆರ ತಿಕ್ಯೆಂಡ ಅತ್ತ್ಂಡ ಆಯನ ಬಗೆಟ್ ದಾಲ ಒಲವು ತಿಕ್ಕ್ಂಡ 9343542678 ನಂಬರ್ಗ್ ತೆರಿಪಾಯೆರ ಆರ್ ಪನ್ತೆರ್.