Last updated on July 8th, 2026 at 09:52 am
ಇಟ್ಟೆಲ್, ಜು. 07: ಲಾರಿಲೆನ ಬ್ಯಾಟರಿಲು ಕನ್ಡ್ದ್ ಪೋವೊಂದಿತ್ತಿನ ಪ್ರಕರಣೊಗು ಸಂಬಂಧಿತ್ದ್ ಇರ್ವೆರ್ ಆರೋಪಿಲೆನ್ ಇಟ್ಟೆಲ್ ಪೊಲೀಸೆರ್ ಕೈದ್ ಮಲ್ತ್ದೆರ್.
ಕಾಸ್ರೋಡ್ ಚರ್ಕಳ ನಿವಾಸಿ ಅಬ್ದುಲ್ ಶಮೀರ್ ಪಿ.ಎ (50) ಬೊಕ್ಕ ಕಾಸ್ರೋಡ್ ಮುಟ್ಟತೋಡಿ ನಿವಾಸಿ ಅಬ್ದುಲ್ ಮಜಿದ್ (33) ಕೈದಾತಿನ ಆರೋಪಿಲು.
ಇಟ್ಟೆಲ್ ಪೊಲೀಸ್ ಸ್ಟೇಶನ್ ಸೀಮೆಡ್ ರಾತ್ರೆದ ಪೊರ್ತುಡು ಉಂತಾದಿತ್ತಿನ ಲಾರಿಲೆನ ಬ್ಯಾಟರಿಲು ಕನ್ಡ್ದ್ ಪೋವೊಂದಿತ್ತಿನ ಪ್ರಕರಣೊಗು ಸಂಬಂಧಿತ್ದ್ ಅಕ್ರ: 38/2025, 39/2026, 41/2026, 123/2026 ಬೊಕ್ಕ 126/2026 ದ ಪ್ರಕಾರ 5 ಪ್ರಕರಣೊಲು ದಾಕಲಾತ. ಪ್ರಕರಣೊಲೆನ ಜಡ್ತೆ ಮಲ್ತಿನ ಇಟ್ಟೆಲ್ ಪೊಲೀಸೆರ್ ಈ ಇರ್ವೆರ್ ಆರೋಪಿಲೆನ್ ದಸ್ತಗಿರಿ ಮಲ್ತ್ದೆರ್.
ಪೊಲೀಸೆರ್ ದಸ್ತಗಿರಿ ಮಲ್ತ್ದ್ ನ್ಯಾಯಂತಡೆದ ಎದುರು ಲೆತೊಂದು ಪೋದಿತ್ತ್ದ್, ಆರೋಪಿಲೆ ಕೈರ್ದ್ ಲಕ್ಕಾದಿನ 10 ಬ್ಯಾಟರಿಲೆನ್ ಉಲಕೈ ಮಲ್ತೊಂದೆರ್. ನ್ಯಾಯಂತಡೆ ಆರೋಪಿಲೆಗ್ ನ್ಯಾಯಾಂಗ ಕೈದ್ ಕೊರ್ತುಂಡು.