Last updated on August 2nd, 2026 at 10:11 am
ನೆಲ್ಯಾಡಿ, ಆ. 02: ಬೋಲ್ತೇರ್ ತಾಲೂಕ್‌ದ ರೆಖ್ಯ ಗ್ರಾಮೊದ ನೇಲಡ್ಕ ಕೈತಲ್ ಮುಚ್ಚಿರಡ್ಕ ಡ್ ಕಾಡಾನೆದ ದಾಳಿಡ್ ಆಙ್ಜೊವು ಒರಿ ತೀರ್ದಿನ ದಾರುಣ ನಡಪು ಶನಿವಾರ ಬಯ್ಯಡ್ ನಡತ್‌ದ್‌ಣ್ಡ್. ತೀರ್ದಿನಾರೆನ್ ಇಡ್ಯಾಲ್ ನಿವಾಸಿ ಬಾಲಕೃಷ್ಣ ಗೌಡ (55) ಪನ್ದ್ ಗುರ್ತ ಪತ್ತ್‌ದೆರ್.
ಬಾಲಕೃಷ್ಣ ಗೌಡೆರ್ ಏಪೊಲ್ದ ಲೆಕ ಬೇಲೆಗ್ ಪೋದಿತ್ತ್‌ದ್, ಬೇಲೆ ಮುಗಿತ್‌ದ್ ಬಯ್ಯಡ್ ಇಲ್ಲಗ್ ಪಿರ ಬರೊನ್ದುಪ್ಪುನಗ ಕಾಡಾನೆ ದಾಳಿಗೆ ಮಲ್ತುಪ್ಪು ಪನ್ದ್ ಅನ್ದಾಜಿ ಮಲ್ತ್‌ದೆರ್. ಪೊರ್ತು ಕನ್ತ್‌ಣ್ಡಲಾ ಆರ್ ಇಲ್ಲಗ್ ಪಿರಬರನ್ದಿನೆರ್ದಾವರ ಇಲ್ಲದಕುಲು ಬೊಕ್ಕ ನಿರೆಕರೆತಕುಲು ನಾಡ್ಯೆರ ಪತ್ತ್‌ದೆರ್. ನಾಡ್‌ನಗ ಆರ್ ಪಾಡೊನ್ದಿತ್ತಿನ ಪ್ಲಾಸ್ಟಿಕ್ ರೈನ್‌ಕೋಟ್ ಸಾದಿದ ನಡುಟು ಬೂರ್ದಿತ್ತಿನ ತೋಜಿದ್ ಬೈದ್‌ಣ್ಡ್. ಅಯಿತ ಕೈತಲ್‌ಡೇ ಕಾಡಾನೆದ ಪಜ್ಜೆದ ಗುರ್ತ ತೋಜಿದ್ ಬತ್ತಿನೆರ್ದಾವರ ಕಾಡಾನೆ ದಾಳಿ ಮಲ್ದಿನ ಶಙ್ಕೆ ಕುಡಲಾತ್ ಗಟ್ಟಿ ಆತ್‌ಣ್ಡ್.
ಬೊಕ್ಕ ಅಲ್ಪ ಒರ್ಮೆಲಾ ನಾಡ್‌ನಗ ಒಞ್ಜಿ ಕಣಿಟ್ ಬಾಲಕೃಷ್ಣ ಗೌಡೆರ್ ಪುನ ಆದ್ ತಿಕ್ಕ್‌ದೆರ್. ಕಾಡಾನೆ ದಾಳಿಡೇ ತೀರ್ದುಪ್ಪೊಡು ಪನ್ದ್ ಅನ್ದಾಜಿ ಮಲ್ತಿತ್ತ್‌ದ್, ಅರಣ್ಯ ಇಲಾಖೆದ ಅಧಿಕಾರಿಲು ಜಾಗೆಗ್ ಬತ್ತ್‌ದ್ ಪರಿಶೀಲನೆ ಮಲ್ತ್‌ದೆರ್. ಪ್ರಕರಣೊಗು ಸಂಬನ್ಧಿತ್‌ದ್ ಎಚ್ಚಿಗೆ ಜಡ್ತೆ ನಡತೊನ್ದಿತ್ತ್‌ದ್, ಎಚ್ಚಿಗೆ ಒಲವುಗು ಕಾತೊನ್ದುಲ್ಲ.