ಕಾಸರಗೋಡು ಜಿಲ್ಲಾ ಕುಲಾಲ ಸಂಘೊರ್ದು ‘ಕುಲಾಲ ಆಸರೆ ಚಿಕಿತ್ಸಾ ಧನ ಸಹಾಯ’

Last updated on August 3rd, 2026 at 08:16 am

ಮಂಜೇಶ್ವರ, ಆ. 03: ಕಾಸರಗೋಡು ಜಿಲ್ಲಾ ಕುಲಾಲ ಸಂಘ ಮಂಜೇಶ್ವರ ತೂಮಿನಾಡ್ ದ ನಿರೆಲ್‌ಡ್ ಸಹೃದಯ ಕುಲಾಲ ಬಂಧುಲೆನ ಬೆರಿತಾಂಗ್‌ಡ್ ಉಂಡಾತಿನ ‘ಕುಲಾಲ ಆಸರೆ’ದ 17ನೇ ಸೇವಾ ಯೋಜನೆಡ್ ಕುಲಾಲ ಸಂಘ ಪುತ್ತಿಗೆ ಶಾಖೆದ ಎಯ್ಯೂರ್‌ದ ರಾಜೇಶ್ ಕುಲಾಲ್ ಮೆರೆನ ಬೊಡೆದಿ ಶ್ರೀಮತಿ ರುಕ್ಮಿಣಿ ಮೆರೆನ ಮರ್ದ್‌ಗ್ ಪಣವುದ ಬೆರಿಸಾಯೊದ ಚೆಕ್ ನ್ ಕೋಡೆ, ತೇದಿ 02/08/2026 ತಾನಿ ಜಿಲ್ಲಾ ಸಂಘೊದ ಪ್ರಧಾನ ಕಚೇರಿಡ್ ಕೊರ್ಯೆರ್.

ಈ ಪೊರ್ತುಡು ಜಿಲ್ಲಾ ಸಂಘೊದ ಅಧ್ಯಕ್ಷೆರಾಯಿನ ನ್ಯಾಯವಾದಿ ರವೀಂದ್ರ ಮುನ್ನಿಪ್ಪಾಡಿ, ಮಂಜೇಶ್ವರ ಕುಲಾಲ ಪಂಚಾಯತ್ ಶಾಖೆದ ಅಧ್ಯಕ್ಷೆರಾಯಿನ ಗೋಪಾಲ ಸಾಲ್ಯಾನ್ ಕಣ್ವತೀರ್ಥ, ಪುತ್ತಿಗೆ ಕುಲಾಲ ಪಂಚಾಯತ್ ಶಾಖೆದ ಗೌರವಾಧ್ಯಕ್ಷೆರಾಯಿನ ಅಮ್ಮು ಮಾಸ್ಟರ್ ಅಂಗಡಿಮೊಗೇರ್, ಜಿಲ್ಲಾ ಕುಲಾಲ ಸಂಘೊದ ಕೋಶಾಧಿಕಾರಿ ಈಶ್ವರ್ ಕಣ್ವತೀರ್ಥ, ಜಿಲ್ಲಾ ಸಂಘೊದ ಜತೆ ಕಾರ್ಯದರ್ಶಿ ಭೋಜ ಮಾಸ್ಟರ್ ಪಾವೂರ್, ಜಿಲ್ಲಾ ಸಂಘೊದ ಕಾರ್ಯಕಾರಿ ಸಮಿತಿ ಸದಸ್ಯೆರಾಯಿನ ತಾರಾನಾಥ ಕಣ್ವತೀರ್ಥ, ಆನಂದ ಕಣ್ವತೀರ್ಥ, ಪ್ರಸಾದ್ ತೂಮಿನಾಡ್, ಉದಯ ಕುಮಾರ್ ಕಣ್ವತೀರ್ಥ, ಸುರೇಶ್ ಒತ್ತುಪಾಲ್ ಇತ್ತೆರ್.

ಯೋಜನೆದ ಗೆಲ್ಮೆಗ್ ಕೈಗೋಡ್ಯಾಯಿನ ಮಾತಾ
ಸಹೃದಯ ಕುಲಾಲ ಬಂಧುಲೆಗ್ ಕಾಸರಗೋಡು ಜಿಲ್ಲಾ ಸಂಘ ಈ ಮುಕೇನ ಸೊಲ್ಮೆ ಸಂದಾನವೊಂದುಂಡು ಪನ್ದ್ ಪದಾಧಿಕಾರಿಲು ತೆರಿಪಾದೆರ್.