Last updated on August 12th, 2026 at 09:28 am
ಪುಟ್ಟುಡೊಂಜಿ ಪುದರ್ ಬೇತೆ ಇತ್ತ್ಂಡಲಾ ಇತ್ತೆ ಜನಮಾನಿಲೆಗ್ ‘ತುಳು ಸಮಾಚಾರ’ ಪನ್ಪಿ ಪುದರ್ಡ್ ತೆರಿದುಪ್ಪುನ, 2022 ತ ಆಟಿದ ಅಮಾಸೆದಾನಿ ಲೋಕೊದೆದುರು ಬತ್ತಿನ ತುಳುವೆರೆ ವೆಬ್ ನ್ಯೂಸ್ ಪೋರ್ಟಲ್ಗ್ ಇನಿಕ್ ನಾಲ್ ವರ್ಸ ಆಂಡ್.
ಈ ನಾಲ್ ವರ್ಸೊಡು ಎಂಕುಲ ದಿನ ಒಂಜಿ ಬುಡಂದೆ, ನಿಚ್ಚೊಲಾ ತುಳುವೆರೆ ಬಿರೆಲ ಕೊಡಿಕ್ ನಿಜ ವಿಸಯೊಲೆನ್ ಎತ್ತಾವೊಂದು ಬೈದ. ಕೆಲವೊಂಜಿ ಇಸಯೊಲು ಎತ್ತ್ನಗ ಒಂತೆ ಕಡೆಸ್ಸ್ದುಪ್ಪು, ಕೆಲವೊರ ಕಡ್ತಿನ, ಸೈತಿನ ಸುದ್ದಿಲೇ ಎಚ್ಚ ಆದುಪ್ಪು, ಆಂಡಲಾ ದಿನನಿಚ್ಚೊಲಾ ತುಳುವೆರೆಡ ತುಳು ಓದುನ ಅಭ್ಯಾಸ ಬುಲೆವಡ್, ತುಳುತ ಕಮ್ಮೆನ ಪಟ್ಟೊಡು ಪನ್ಪಿ, ತುಳುನಾಡ ಸುದ್ದಿಲು ತುಳುಟೇ ಓದುಲೆಕಾವಡ್ ಪನ್ಪಿ ಅಂಗಲಾಪುಡು ಈ ಸಂಸ್ಥೆನ್ ನಡಪಾವೊಂದು ಬೈದ. ಈತ್ನೇಟ ನಿಕುಲು ತೋಜಾದಿನ ಮೋಕೆಗ್ ಸೋಲೈತ್ ಸೊಲ್ಮೆ ಸಂದಾವೊಂದು, ನನಲಾ ನಿಕ್ಲೆನ ಮೋಕೆ ಇಂಚೆನೇ ಇಪ್ಪಡ್ ಪನ್ದ್ ನಟ್ಟೊಂದುಲ್ಲ.
ನಿಕ್ಲೆನ ಈ ಮೋಕೆನೇ ಎಂಕ್ಲೆನ್ ಇನಿ ತುಳುತ ನಂಬರ್ ಒನ್ ವೆಬ್ ನ್ಯೂಸ್ ಪೋರ್ಟಲ್ ಮಲ್ದ್ಂಡ್. ಎಂಕ್ಲೆರ್ದ್ ದಾಲ ತಪ್ಪಾತಿನೆನ್ ನಿಕುಲು ಬಿರೆಲ್ ಮಲ್ತರ್ನ್ಡ, ಅವೆನ್ ಸಮ ಮಲ್ತೊಂದು ಬೈದ. ನನಗ್ಲಾ ನಿಕ್ಲೆನ ಬೆರಿತಾಂಗ್ ಇಪ್ಪಡ್, ಊರ, ಪರವೂರ, ಪರದೇಸೊದ ಸುದ್ದಿಲೆನ್ ತುಳುಟೇ ನಿಕ್ಲೆ ಬಿರೆಲಕೊಡಿಕ್ ಎತ್ತಾವುನ ಎಂಕ್ಲೆನ ಪುನೆಪು ಇಂಚೆನೇ ದುಂಬರಿಯುಂಡು.
ನಿಕುಲೆಡ್ ಏರ್ಲಾ ಬರವುಗಾರೆರ್ ಇತ್ತ್ಂಡ, ನಿಕ್ಲೆನ ಬರವುನು ಜನೊಕ್ಲೆಗ್ ಎತ್ತಾಯೆರ ನಮ ಏಪೊಲಾ ಉಲ್ಲ. ಎಂಕ್ಲೆಗ್ ಮೆಸೇಜ್ ಮಲ್ತ್ ನಿಕ್ಲೆನ ಬರವುಲೆನ್ ಕಡಪುಡ್ಲೆ.
ಮೆಸೇಜ್ ಮಲ್ಪೊಡಿಯಿನ ನಂಬ್ರ: 8722529750