ತುಳು ಭಾಷೆಗ್ ಕರ್ನಾಟಕ ರಾಜ್ಯೊಡು ಎಚ್ಚಿಗೆದ ಅಧಿಕೃತ ಭಾಷೆದ ಸ್ಥಾನಮಾನ; ಸೂಚನೆ ಕೊರ್ಯೆರ್ ಸಚಿವೆ ಶಿವರಾಜ್ ತಂಗಡಗಿ

Last updated on September 15th, 2026 at 09:31 pm

ಬೆಂಗಳೂರ್, ಸೆ.15: ತುಳುವೆರೆನ ಪಾಕ ವರ್ಸೊದ ಕನ ‘ತುಳು’ ಭಾಷೆಗ್ ಕರ್ನಾಟಕ ರಾಜ್ಯೊಡು ಎಚ್ಚಿಗೆದ ಅಧಿಕೃತ ಭಾಷೆದ ಮಾನಾದಿಗೆ ಕೊರ್ಪುನ ಬಗೆಟ್ ರಾಜ್ಯ ಸರ್ಕಾರ ಗಂಭೀರ ಚಿಂತನೆ ಮಲ್ತೊಂದುಂಡು. ಕಾನೂನಾತ್ಮಕ ಬೊಕ್ಕ ಸಂವಿಧಾನಾತ್ಮಕ ಚೌಕಟ್ಟ್‌ದ ಉಲಯಿ ಬೋಡಾಪಿನ ಕ್ರಮ ಗೆತೊನರೆ ಮಾತಾ ಪುನೆಪುಲು ಜೋರುಡು ನಡತೊಂದುಲ್ಲ ಪನ್ದ್ ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆ ಸಚಿವೆ ಶಿವರಾಜ್ ತಂಗಡಗಿ ತೆರಿಪಾದೆರ್. ಈ ಬಗೆಟ್ ಆರೆನ ಅಧಿಕೃತ ‘ಎಕ್ಸ್’ ಅಕೌಂಟ್‌ಡ್ ಮಹತ್ವೊದ ಪೋಸ್ಟ್ ಪಟ್ಟೊಂದಿನ ಸಚಿವೆರ್, ತುಳು ಭಾಷೆಗ್ ಅಧಿಕೃತ ಸ್ಥಾನಮಾನ ಒದಗಾವುನೆಟ್ ಸರ್ಕಾರ ಗೆತೊಂದಿನ ಬೇತೆ ಬೇತೆ ಕ್ರಮೊಕುಲೆನ ಒಲವು ಪಟ್ಟೊಂದೆರ್.

ತುಳು ಭಾಷೆದ ಇತಿಹಾಸ, ಸಾಹಿತ್ಯ ಪರಂಪರೆ, ಲಿಪಿ, ಪ್ರಾಚೀನ ಬೊಕ್ಕ ಆಧುನಿಕ ಸಾಹಿತ್ಯ, ಸಂಸ್ಕೃತಿ ಬೊಕ್ಕ ತುಳು ಶಾಸನೊಲೆನ ಬಗೆಟ್ ಸಮಗ್ರ ಅಧ್ಯಯನ ನಡತ್‌ದ್ಂಡ್. ಈ ವಿಷಯೊಗು ಸಂಬಂಧಿತ್‌ದ್ ಡಾ. ಮೋಹನ್ ಆಳ್ವೆರೆ ಗುರ್ಕಾರ್ಮೆದ ಸಮಿತಿ 2023 ತ ಫೆಬ್ರವರಿ 14 ತಾನಿ ಸರ್ಕಾರೊಗು ತನ್ನ ವರದಿ ಸಂದಾದಿತ್ತ್ಂಡ್.