Last updated on October 2nd, 2026 at 10:21 am
ಸುಳ್ಯ, ಅ.02: ಸುಳ್ಯ ಕಸಬಾ ಗ್ರಾಮೊದ ಅಂಬೆಟಡ್ಕ ಪನ್ಪಿನಲ್ಪ ಗ್ಯಾರೇಜ್‌ಡ್ ದೀದಿತ್ತಿನ ಬೈಕ್‌ಗ್ ಸೂ ಪಾಡ್ದಿನ ಪ್ರಕರಣೊಡು ಇರ್ವೆರೆನ್ ಕೈದ್ ಮಲ್ತ್‌ದೆರ್.
ಆರೋಪಿಲೆನ್ ಸುಳ್ಯ ಐವರ್ನಾಡ್ ನಿವಾಸಿ ದಯಾನಂದೆ (30) ಬೊಕ್ಕ ಸುಳ್ಯ ಕಸಬಾ ನಿವಾಸಿ ದರ್ಶನರಾಜು (23 ) ಪನ್ದ್ ಗುರ್ತ ಪತ್ತ್‌ದೆರ್.
ಅಗಸ್ಟ್‌ 26 2026 ತಾನಿ ರಾತ್ರೆ, ಸುಳ್ಯ ಕಸಬಾ ಗ್ರಾಮೊದ ಅಂಬೆಟಡ್ಕ ಪನ್ಪಿನಲ್ಪ ಗ್ಯಾರೇಜ್‌ಡ್ ದೀದಿತ್ತಿನ ಬೈಕ್‌ಗ್ ಏರೋ ಕೆಂಗುಡೆರ್ ಸೂ ಪಾಡ್ದ್ ಪೊತ್ತಾದಿನ ನಡಪುಗು ಸಂಬಂಧಿತ್‌ದ್, ಸುಳ್ಯ ಪೊಲೀಸ್ ಸ್ಟೇಶನ್‌ ಅ.ಕ್ರ 120/2026 ಕಲಂ: 326(g)BNS 2023 ದ ಪ್ರಕಾರ ಪ್ರಕರಣ ದಾಕಲಾದಿತ್ತ್ಂಡ್.
ಪ್ರಕರಣೊದ ಜಡ್ತೆ ಮಲ್ತಿನ ಸುಳ್ಯ ಪೊಲೀಸೆರ್ ಆರೋಪಿಲೆನ್ ಕೈದ್ ಮಲ್ತ್‌ದ್ ನ್ಯಾಯಂತಡೆದ ಎದುರು ಲೆತೊಂದು ಪೋದಿತ್ತ್‌ದ್, ನ್ಯಾಯಂತಡೆ ಆರೋಪಿಲೆಗ್ ನ್ಯಾಯಾಂಗ ಕೈದ್ ಕೊರ್ತುಂಡು.