‘ಪಿಲಿಕುಳ ನಿಸರ್ಗಧಾಮ ಬೇಗೊಡೇ ಮೃಗಾಲಯ ಪ್ರಾಧಿಕಾರೊದ ಅಡಿಕ್’- ಸಚಿವೆ ರಾಮಲಿಂಗಾರೆಡ್ಡಿ

Last updated on November 16th, 2026 at 10:51 am

ಕುಡ್ಲ, ನ.16 : ಪಿಲಿಕುಳ ನಿಸರ್ಗಧಾಮೊನು ಕರ್ನಾಟಕ ಮೃಗಾಲಯ ಪ್ರಾಧಿಕಾರೊದ ಅಡಿಕ್ ಕನಪಿನ ಬೇಲೆ ಅಕೇರಿದ ನಿಲವುಡು ಇತ್ತ್‌ದ್, ಬೇಗೊಡೆ ಈ ಬಗೆತ ಒಪ್ಪಂದೊಗು ದಸ್ಕತ್ ಪಾಡುವ ಪನ್ದ್ ಅರಣ್ಯ ಬೊಕು ಪರಿಸರ ಸಚಿವೆ ರಾಮಲಿಂಗಾರೆಡ್ಡಿ ತೆರಿಪಾದೆರ್.

ಪಿಲಿಕುಳ ನಿಸರ್ಗಧಾಮ ಬೊಕ್ಕ ಬೆಂಗ್ರೆದ ಏರೋಡೈನಾಮಿಕ್ ಪ್ಲಾಂಟೇಶನ್‌ಗ್ ಬತ್ತ್‌ದ್ ಸುದ್ದಿಗಾರೆರೆಡ ಪಾತೆರ್ನ ಸಚಿವೆರ್, ಪಿಲಿಕುಳ ನಿಸರ್ಗಧಾಮೊದ ಅಭಿವೃದ್ಧಿಗ್ ಮಂಜೂರು ಮಲ್ತಿತ್ತಿನ ಜಾಗೆನ್ ಪಿರಗೆತೊನರೆ ಸರ್ಕಾರ ಆದೇಶ ಕೊರ್ತುಂಡು. ಅವೆರ್ದ್ ಬೊಕ್ಕ ಆ ಜಾಗೆನ್ ಎಲೆಕ್ಟ್ರಾನಿಕ್ಸ್, ಮಾಹಿತಿ ತಂತ್ರಜ್ಞಾನ, ಜೈವಿಕ ತಂತ್ರಜ್ಞಾನ ಬೊಕ್ಕ ವಿಜ್ಞಾನ ಬೊಕ್ಕ ತಂತ್ರಜ್ಞಾನ ಇಲಾಖೆಗ್ ಕೊರ್ಪ ಪನ್ದ್ ಪನ್ಡೆರ್.

ನಗರ ಪರಿಸರ ಉದ್ಯಾನವನೊಗು ಸಂಬಂಧಿತಿನ ಪ್ರಕ್ರಿಯೆಲಾ ದುಂಬರಿಪುಂಡು ಪನ್ದ್ ಆರ್ ಪನ್ಡೆರ್. ದುಂಬು ರಮಾನಾಥ ರೈಕುಲು ಅರಣ್ಯ ಸಚಿವೆರಾದುಪ್ಪುನಗ, ಕರ್ನಾಟಕ ರಾಜ್ಯ ಮಾಲಿನ್ಯ ನಿಯಂತ್ರಣ ಮಂಡಳಿ ಈ ಯೋಜನೆಗ್ ಬೋಡಾಪಿನ ಆರ್ಥಿಕ ತಾಂಗ್ ಕೊರ್ಯೆರ ಎದುರು ಬತ್ತಿತ್ತ್ಂಡ್ ಪನ್ದ್ ಪನ್ಡೆರ್.

ಮಾಲಿನ್ಯ ನಿಯಂತ್ರಣ ಮಂಡಳಿದ ಅಧ್ಯಕ್ಷೆರೆಡ ಯಾನ್ ಪಾತೆರ್ದ್, ಯೋಜನೆಗ್ ಬೋಡಾಪಿನ ಅನುದಾನೊನು ಬುಡುಗಡೆ ಮಲ್ಪೆರ ಸೂಚನೆ ಕೊರ್ಪೆ ಪನ್ದ್ ಪಾತೆರ ಕೊರಿಯೆರ್.

ಈ ಪೊರ್ತುಡು, ರಾಜ್ಯೊಡೊರ್ಮೆ ಡೀಮ್ಡ್ ಕಾಡ್‌ಲೆಗ್ ಸಂಬಂಧಿತ್‌ದ್ ಜಂಟಿ ಸಮೀಕ್ಷೆನ್ ಮೂಜಿ ತಿಂಗೊಲುದ ಉಲಯಿ ಮುಗಿಪುವ ಪನ್ದ್ ಆರ್ ಸ್ಪಷ್ಟ ಮಲ್ತೆರ್.

Leave a Reply

Your email address will not be published. Required fields are marked *

Share
error: Content is protected !!