ಬೆಂಜನಪದವು: ಲಾರಿಗ್ ಎಡ್ತಿನ ಬೈಕ್; 9 ನೇ ಕ್ಲಾಸ್ ಕಲ್ತೊಂದಿತ್ತಿನ ಆಣ್ ತೀರ್ಯೆ

Last updated on November 16th, 2026 at 04:24 pm

ಬಂಟ್ವಾಳ: ಬೆಂಜನಪದವು ಕೈತಲ್ದ ಕಲ್ಪನೆಡ್ ಸಾದಿ ಬರಿಟ್ ತೆಟ್ಟ್‌ದ್ ಉಂತುದಿತ್ತಿನ ಲಾರಿಗ್ ಒಂಜಿ ಬೈಕ್ ಎಡ್ತ್‌ದ್, ಗಾತಿದ ಗಡಿಕುಲಾದಿತ್ತಿನ ಹೈಸ್ಕೂಲ್ ವಿದ್ಯಾರ್ಥಿ ಒರಿ ನ. 15ತಾನಿ ಕುಡ್ಲದ ಆಸ್ಪತ್ರೆಡ್ ಮರ್ದ್ ಪಲಿಪಂದೆ ತೀರ್ದೆ.

ಅಮ್ಟಾಡಿ ದೇವಿನಗರ ನಿವಾಸಿ ಸುಚಿನ್ ಎಸ್.(14) ತೀರ್ದಿನ ಆಣ್. ಆಯೆ ನ. 14ತ ರಾತ್ರೆ 9 ಗಂಟೆದ ಅಂದಾಜಿಗ್ ಬೈಕ್‌ಡ್ ಬೆಂಜನಪದವು ಭಾಗೊರ್ದು ಪುರಲ್ ದಂಚಿ ಪೋನಗ ಕಲ್ಪನೆದ ಕೈತಲ್ ತೆಟ್ಟ್‌ದ್ ಸಾದಿ ಬರಿಟ್ ಉಂತುದಿತ್ತಿನ ಲಾರಿಗ್ ಬೈಕ್ ಎಡ್ತ್‌ದ್ಂಡ್. ಎಡ್ತೆಡ್ ಗಾತಿದ ಗಡಿಕುಲಾತಿನ ಸುಚಿನ್ ನ್ ಅಪಗನೇ ಕುಡ್ಲದ ಆಸ್ಪತ್ರೆಗ್ ಲೆತೊಂದು ಪೋತೆರ್.

ಆಂಡ ನ. 15ತಾನಿ ಕಾಂಡೆ ಆಯೆ ಮರ್ದ್ ಪಲಿಪಂದೆ ತೀರ್ದೆ. ತೀರ್ದಿನ ಸುಚಿನ್ ಬಡಕಬೈಲ್ ಡೊಮಿನಿಕ್ ವಿದ್ಯಾಸಂಸ್ಥೆಡ್ 9ನೇ ಕ್ಲಾಸ್ ಕಲ್ತೊಂದಿತ್ತೆ. ನಡಪುದ ಬಗೆಟ್ ಬಂಟ್ವಾಳ ಟ್ರಾಫಿಕ್ ಪೊಲೀಸ್ ಸ್ಟೇಶನ್‌ಡ್ ಪ್ರಕರಣ ದಾಕಲಾತ್ಂಡ್.

Leave a Reply

Your email address will not be published. Required fields are marked *

Share
error: Content is protected !!