Last updated on March 8th, 2023 at 08:40 am
ಕುಡ್ಲ ಜಿಲ್ಲೆನ ಸಂಸದೆ ನಳೀನ್ ಕುಮಾರ್ ಪಾತೆರ್ದ್ ಕುಡ್ಲನ್ ಸ್ಮಾರ್ಟ್ ಸಿಟಿ ಮಲ್ಪುನ ಯೋಜನೆಗ್ ಕರಿನ ನಾಲ್ ವರ್ಸೊಡು 732 ಕೋಟಿದಾತ್ ಬೇಲೆ ಆತ್ಂಡ್ ಪನ್ದ್ ಪಂಡೆರ್. ಈ ಪನವು ರಾಜ್ಯ ಬೊಕ್ಕ ಕೇಂದ್ರ ಸರಕಾರೊರ್ದು ಬೈದಿನವು ಪನ್ದ್ ಪಂಡೆರ್.
ಕುಡ್ಲ ಸ್ಮಾರ್ಟ್ ಸಿಟಿ ಲಿಮಿಟೆಡ್ ಬೊಕ್ಕ ಕುಡ್ಲ ಮಹಾನಗರ ಪಾಲಿಕೆದಕಲೆನ ಸೇರಿಗೆಡ್ ಯೋಜನೆಲೆಗ್ ಕೆಸರ್ ಕಲ್ಲ್ ಪಾಡುನ ಕಜ್ಜೊಡು ಪಾಲ್ ಪಡೆಯೊಂದು ಪಾತೆರಿಯೆರ್. ಈ ಯೋಜನೆಲೆಡ್ 114 ಕೋಟಿಡ್ ಸೆಂಟ್ರಲ್ ಮಾರ್ಕೆಟ್, 40.30 ಕೋಟಿಡ್ ಸುಲ್ತಾನ್ ಬತ್ತೇರಿರ್ದ್ ತನ್ನೀರ್‌ಬಾವಿಗ್ ನೀಂದುನ ಸಂಕ, 16 ಕೋಟಿಡ್ ಕದ್ರಿ ಪಾರ್ಕ್ ರೋಡುದ ಅಭಿವೃದ್ದಿ, ಸರ್ಕಿಟ್ ಹೌಸ್ ರೋಡುರ್ದು ಪದವು ಹೈಸ್ಕೂಲ್ ಜಂಕ್ಷನ್ ಮುಟ್ಟ ನಡಪರೆಗುಂಡು.
ನಳೀನೆರ್ ಪಾತೆರ್ದ್ ಸಂಸದೆ ಆದ್ ತನ್ನ ಸುರುತ ಅವಧಿಡ್ ಕೇಂದ್ರ ಸರಕಾರೊರ್ದು ಕುಡ್ಲಗ್ 4000 ಕೋಟಿ ಕನದೆ. ತನ್ನ ರಡ್ಡನೇ ಅವಧಿಡ್ 16,000 ಕೋಟಿ ಕನದೆ ಇತ್ತೆ ತನ್ನ ಮೂಜನೇ ಅವಧಿಡ್ ಇತೋರ್ತು 26,000 ಕೋಟಿ ಕುಡ್ಲ ಜಿಲ್ಲೆಗ್ ಬೈದ್ಂಡ್ ಪನ್ದ್ ಪಂಡೆರ್.