Last updated on August 10th, 2023 at 03:05 pm
ತುಳುನಾಡ್‌ದ ದುಂಬುದ ಕಾಲೊಡ ಜೀವನ ಪದ್ದತಿ, ಪಿರಾಕ್‌ದ ಸಂಪ್ರದಾಯೊಲು, ಕರಿಪುಲು, ದನಿ ಒಕ್ಕೆಲ್ದಕಲೆನ ಕತೆ ಉಂದೆನ್ ಪೂರಾ ನೆಯ್ತ್ ಪೊಸ ಪಿಚ್ಚರ್ “ಕೊರಮ್ಮ” ಎಲ್ಲೆ (ಆಗಸ್ಟ್ 11) ಬುಡುಗಡೆ ಆವರೆ ಉಂಡು.
ಈ ಪಿಚ್ಚರ್ ಕುಡ್ಲ, ತೊರತ್ತಲ್, ಪಡ್ಡೆದ್ರ, ಪುತ್ತೂರುಲೆಡ್ ಬುಡುಗಡೆ ಆಪುಂಡು ಪನ್ದ್ ಪಿಚ್ಚರ್‌ದ ನಿರ್ದೇಶಕೆರಾಯಿನ ಶಿವಧ್ವಜ್ ಶೆಟ್ಟಿ ಪನ್ಡೆರ್. ಸಫೈರ್ ಪ್ರೊಡಕ್ಷನ್ ಹೌಸ್‌ದಕುಲು ಈ ಪಿಚ್ಚರ್‌ನ್ ನಿರ್ಮಾಣ ಮಲ್ದೆರ್. ತುಳುವೆರ್ ಒತ್ತೊನಿಯೆರ್ದ ಈ ಪಿಚ್ಚರ್ ತುಳು ಚಿತ್ರರಂಗೊಗು ಒಂಜಿ ಪೊಸ ತಾದಿ ತೂಪಾವೊಲಿ, ಕಥೆನ್ ಮೂಲವಾದ್ ದೆತೊನ್ದು ಮಲ್ದಿನ ತುಳು ಪಿಚ್ಚರ್‌ಲು ಮಸ್ತ್ ಕಮ್ಮಿ. ನಮ್ಮ ದುಂಬುದ ಕಾಲದ ಜೀವನ ಶೈಲಿ, ಸಂಘರ್ಷ, ನ್ಯಾಯ-ಅನ್ಯಾಯೊಲು ಸಾಮಾಜಿಕವಾದ್ ಇತ್ತಿನ ದಡೀತ ಕಟ್ಟ್ ಪಾಡ್ಲು ಉಂದೆನ್ ಮಾತಾ ಸಿನಿಮಾ ರೂಪೊಡು ಕನಪಿನ ಪುನೆಪುನು ಚಿತ್ರತಂಡದಕುಲು ಬೈದೆರ್.
ನಿರ್ಮಾಪಕೆರ್ ಅಡ್ಯಾರ್ ಮಾಧವ ನಾಯ್ಕ್, ಈಶ್ಚರಿದಾಸ್ ಶೆಟ್ಟಿ ಬೊಕ್ಕ ರಾಜೇಶ್ವರ ರೈ, ಪಾಟ್ ಶಿನೋಯ್ ಎ. ಜೋಸೆಫ್, ಛಾಯಾಗ್ರಹಣ ಸುರೇಶ್‌ ಬೈರಸಂದ್ರ, ಸಂಕಲನ ಗಣೇಶ್ ನೀರ್ಚಾಲ್, ಪಾತೆರಕತೆ ಶ್ರೀನಿಧಿ ಭಟ್, ಅನುವಾದ ಬೊಕ್ಕ ಸಾಹಿತ್ಯ ಕೆ. ಮಹೇಂದ್ರನಾಥ್ ಸಾಲೆತ್ತೂರು, ಆರ್ಟ್ಸ್ ಸಂತೋಷ ಪೂಜಾರಿ ವೇಣೂರು, ಒತ್ತು ನಿರ್ದೇಶನ ಹರ್ಷೀವ ಭಗೀರ, ಪ್ರಸಾಧನ ಕುಮಾರ್ ನೋಣವಿನಕೆರೆ, ಪಿಚ್ಚರ್ ಪಟ್ಟುನ ಕಜ್ಜ ದೀಪಕ್ ಸಿನಿ ಗ್ಯಾಲಕ್ಸಿ ಮಲ್ತೊಂದುಲ್ಲೆರ್.
ಬೊಳ್ಳಿಕೂಪೆಡ್ ಗುರುಹೆಗ್ಡೆ, ರೂಪ ಶ್ರೀ ವರ್ಕಾಡಿ, ಮೋಹನ್‌ ಶೇಣಿ, ಬಿಂದುರಕ್ಷಿದಿ, ಜಿನಪ್ರಸಾದ್‌, ದಿವ್ಯಶ್ರೀ, ನಾಯಕ್, ಲಕ್ಷ್ಮಣ್ ಕುಮಾರ್ ಮಲ್ಲೂರು, ನಮಿತಾ ಕೂಳೂರು, ಸುಮನ ಮಂಗಳೂರು, ಹರೀಶ್‌ ಜೋಡುರಸ್ತೆ ಮೊಕುಲು ಮಾತಾ ಉಲ್ಲೆರ್.