ಕುಡ್ಲ ದಸರೊಗು ವೈಭವದ ಮುಗಿತಲದ ಚುಕ್ಕಿ

Last updated on October 25th, 2023 at 07:28 am

ಕೋಡೆ ಬಯ್ಯಗ್ ಸುರು ಆಯಿನ ಕುಡ್ಲ ಗೋಕರ್ಣನಾಥ ಕ್ಷೇತ್ರದ ವೈಭವದ ಶೋಭಾಯಾತ್ರೆ ಇನಿ ಕಾಂಡೆ ಮುಟ್ಟ ನಡತ್ ಲಕ್ಷಾಂತರ ಜನಕುಲು ಕುಡ್ಲ ದಸರಾದ ಪೊರ್ಲು ತೂಯೆರ್.

ಸುಮಾರ್ 9 ಕಿಮೀ ದಾತ್ ಇತೇತಿನ ಮೆರವಣಿಗೆ ಕ್ಷೇತ್ರೊರ್ದು ಪಿದಡ್ದ್ ಮಣ್ಣಗುಡ್ಡೆ ಮಾರ್ಗೊಡು ಲೇಡಿಹಿಲ್ ನಾರಾಯಣ ಗುರು ವೃತ್ತ, ಲಾಲ್ ಬಾಗ್, ಬಲ್ಲಾಲ್ ಬಾಗ್, ಪಿವಿಎಸ್, ಕೆಎಸ್ ರಾವ್ ರೋಡು, ಹಂಪನಕಟ್ಟೆ, ವಿವಿ ಕಾಲೇಜ್ ದಲ್ಪ ಬಲೊಕು ತೆಲಾದ್ ಗಣಪತಿ ಹೈಸ್ಕೂಲ್, ವೆಂಕಟರಮಣ ಕಾರ್ ಸ್ಟ್ರೀಟ್ ಅಳಕೆ ಆದ್ ಪಿರ ದೇವಲ್ಯೊಗು ಬತ್ತ್ಂಡ್.

ಶಾರದೆ,ನವದುರ್ಗೆಲೆನ, ನಾರಾಯಣಗುರು, ದಣಪತಿನ ಒರುತ ಒಟ್ಟುಗು ಮಸ್ತ್ ಟ್ಯಾಬ್ಲೋ, ನಲಿಕೆಲು, ಪಿಲಿಕುಲು, ಚೆಂಡೆ, ಸ್ಥಬ್ದಚಿತ್ರ ಉಂದು ಪೂರಾ ಒಟ್ಟುಗು ಪೋದು ಮೆರವಣಿಗೆನ್ ಪೊರ್ಲು ಮಲ್ತ್ಂಡ್. ದೇಶ ವಿದೇಶದ ಜನಕುಲು ಈ ಪೊರ್ಲು ತೂವರೆ ಬೈದಿತ್ತೆರ್.