Last updated on February 2nd, 2024 at 07:43 pm
ಕೇಂದ್ರ ಪನವುದ ಸಚಿವೆದಿ ನಿರ್ಮಲಾ ಸೀತರಾಮನ್ ಮಂಡನೆ ಮಲ್ದಿನ ಬಜೆಟ್‌ಡ್ ಕುಡ್ಲದ ರೈಲ್ವೇ ಬುಲೆಚ್ಚಿಲ್‌ಗ್ 55 ಕೋಟಿ ರೂ ಅನುದಾನ ಕೊರ್ತೆರ್. ತೆನ್ಕಾಯಿ ರೈಲ್ವೇ ವಿಭಾಗದ ಜೋಕಟ್ಟೆ ಉಂತಡೆ ಬೊಕ್ಕ ಕೊಂಕಣ ರೈಲ್ವೇದ ತೋಕೂರು ಉಂತಡೆದ ನಡು ಪಟ್ಟೆ ಡಬಲ್ ಮಲ್ಪುನ ಬೇಲೆಗ್ 50 ಕೋಟಿ ರೂಪಾಯಿಲಾ ಉಂದೆಟ್ ಉಂಡು.
4.74 ಕೋಟಿ ರೂಪಾಯಿ ಕುಡ್ಲ ಸೆಂಟ್ರಲ್ ಉಂತಡೆಡ್ ಎಚ್ಚಿಗೆದ ಪ್ಲಾಟ್‌ಫಾರಂಲೆನ ಮುಗಿಪುನ ಬೇಲೆಗ್ ದೀತೆರ್. ಬಜೆಟ್‌ಡ್ ಕುಡ್ಲ ಜಂಕ್ಷನ್‌-ಪಣಂಬೂರು ಭಾಗದ ಪ್ಯಾಚ್‌ ಡಬ್ಲಿಂಗ್‌ ಬೇಲೆಗ್ 1 ಕೋಟಿ ಅಂಚೆನೆ ನೇತ್ರಾವತಿ ಕ್ಯಾಬಿನ್‌ ಕುಡ್ಲ ಸೆಂಟ್ರಲ್ ಡಬ್ಲಿಂಗ್‌ದ ಬಾಕಿ ಒರಿದಿನ ಬೇಲೆ ಪತ್ತ ಮಲ್ಪರೆ 1.2 ಕೋಟಿ ರೂ. ದೆತ್ತ್ ದೀತೆರ್.