ಕುಡ್ಲರ್ದ್ ರಾಮೇಶ್ವರಂಗ್ ವಾರೊಗೊರ ಟ್ರೈನ್‌ ಬುಡ್ರೆ ಒತ್ತೊನಿನ ರೈಲ್ವೇ ಸಚಿವಾಲಯ

Last updated on March 19th, 2024 at 08:24 pm

ಕುಡ್ಲರ್ದ್ ರಾಮೇಶ್ವರಂಗ್ ವಾರೊಗೊರ ಪೋಪಿನ ಪೊಸ ಟ್ರೈನ್ ಬುಡರೆ ರೈಲ್ವೇ ಸಚಿವಾಲಯ ಒತ್ತೊನ್ದುಂಡು. ಕರಿನ ಪಾಕ ವರ್ಸೊರ್ದಿಂಚಿ ಉಂದು ಬೋಡು ಪನ್ಪಿನ ಬೇಡಿಕೆ ಇತ್ತ್ಂಡ್ . ಸದ್ಯೊಗು ಚುನಾವಣಾ ನೀತಿ ಸಂಹಿತೆ ಉಪ್ಪುನೆರ್ದಾವರ ಇತ್ತೆನೇ ಈ ರೈಲ್ ಸುರು ಆಪುಂಡು ಪನ್ದ್ ಪನರೆ ಆಪುಜಿ.

ಇತ್ತೆ ಬೈದಿನ ಒಲವುದ ಪ್ರಕಾರ ಟ್ರೈನ್ ನಂಬ್ರ 16622 ಕುಡ್ಲ-ರಾಮೇಶ್ವರಂ ವಾರದ ಎಕ್ಸ್‌ಪ್ರೆಸ್ ಶನಿವಾರ ರಾತ್ರೆ 7-30 ಗು ಕುಡ್ಲ ಬುಡ್ದ್ ಐತಾರ ಕಾಂಡೆ 11-45ಕ್ಕ್ ರಾಮೇಶ್ವರಂ ಎತ್ತುಂಡು. ಪಿರ ಬನ್ನಗ ಟ್ರೈನ್ ನಂಬ್ರ 16621 ಐತಾರ ಮದ್ಯಾಹ್ನ 2 ಗಂಟೆಗ್ ರಾಮೇಶ್ವರಂ ಬುಡ್ದ್ ಸೋಮಾರ ಪುಲ್ಯಕಾಂಡೆ 5-50ಗು ಕುಡ್ಲಗ್ ಎತ್ತುಂಡು.