Last updated on July 21st, 2025 at 12:55 pm
ಬಂಟ್ವಾಳ, ಜು. 21: ರಡ್ಡ್ ದಿನೊಕು ದುಂಬು ಇಲ್ಲಜಾಲ್ಗ್ ಚಿಟ್ಟೆ ಪಿಲಿ ಒಂಜಿ ಬತ್ತ್ದ್, ಇಲ್ಲದ ನಾಯಿಲೆನ ಮಿತ್ತ್ ಲಾಗಿದ್, ಐಕುಲು ಕೊರೆಪುನಗ ಪದ್ರಾಡಾತಿನ ನಡಕೆ ಮೂಡನಡುಗೋಡು ಗ್ರಾಮೊಡು ನಡತ್ದ್ಂಡ್.
ಮೂಡನಡುಗೋಡು ಗ್ರಾಮೊದ ಬಾಬತೋಟ ನಿವಾಸಿ ಪ್ರಕಾಶ್ ಪೂಜಾರಿ ಮೆರೆನ ಇಲ್ಲಜಾಲ್ಗ್ ರಡ್ಡ್ ದಿನೊಕು ದುಂಬು ಚಿಟ್ಟೆಪಿಲಿ ಬತ್ತಿತ್ತ್ದ್, ಈ ಪೊರ್ತುಡು ನಾಯಿಲು ಕೊರೆಪೆರೆ ಪತ್ತ್ದ. ಆಂಡ ಇಲ್ಲದಕುಲು ಪೋಡಿದ್ ಪಿದಯಿ ಬತ್ತಿಜ್ಜಂಡ್.
ಸಿಸಿ ಕ್ಯಾಮರಾಡ್ ಚಿಟ್ಟೆಪಿಲಿ ಬತ್ತಿನ ದೃಶ್ಯ ಕೈದಾದಿತ್ತ್ಂಡಲಾ, ಐತ ಟಿವಿ ತೆಟ್ಟ್ದಿತ್ತ್ನೆರ್ದಾವರ ತೂವರೆ ಆದಿಜ್ಜಂಡ್. ಕೋಡೆ, ಜು. 20 ದಾನಿ ಟಿವಿ ರಿಪೇರಿ ಮಲ್ತ್ದ್ ಸಿಸಿಟಿವಿ ಫೂಟೇಜ್ ತೂನಗ ಜಾಲ್ಗ್ ಬತ್ತಿನ ಚಿಟ್ಟೆಪಿಲಿ ಪನ್ದ್ ದೃಢ ಆತ್ಂಡ್.