Last updated on August 23rd, 2025 at 08:22 am
ಕಾಪು, ಆ. 23: ಒಡಿಪುರ್ದ್ ಕುಡ್ಲಗ್ ತನ್ನ ದೋಸ್ತಿಲಾಯಿನ ವಿಡಿಯೋ ಎಡಿಟರ್ ಪ್ರಜ್ವಲ್ ಸುವರ್ಣ ಬೊಕ್ಕ ಪ್ರಸಾದೊ ಮೊಕಲೆನೊಟ್ಟುಗು ಪೋವೊಂದುಪ್ಪುನಗ ಮುಳೂರು ದ ಕೈತಲ್ ಕಾಲಳರ್ ಕಬ್ಬೆ ಬೂರ್ದ್ 28 ವರ್ಸ ಪ್ರಾಯೊದ ಫೋಟೋಗ್ರಾಫರ್ ಡಿಜೆ ಮರ್ವಿನ್ ತೀರ್ದೆರ್.
ನಾಯಿನ್ ತಪ್ಪಾಯೆರ ಪೋದು ಕಾರ್ ಕಬ್ಬೆ ಬೂರ್ದ್ಂಡ್. ಆಂಬ್ಯುಲೆನ್ಸ್ ಡ್ರೈವರ್ ಜಲಾಲುದ್ದೀನ್, ಹಮೀದ್ ಉಚ್ಚಿಲ, ಕೆ.ಎಂ. ಸಿರಾಜ್, ಅನ್ವರ್ ಬೊಕ್ಕ ಪೊಲೀಸ್ ಅಧಿಕಾರಿಲು ಅಪಗನೇ ಪೆಟ್ಟಾತಿನ ಮೂವೆರೆನ್ಲಾ ಒಡಿಪುದ ಪ್ರೈವೇಟ್ ಆಸ್ಪತ್ರೆಗ್ ಲೆತೊಂದು ಪೋತೆರ್. ಕಾರ್ಡ್ ಇತ್ತಿನಕ್ಲೆಡ್ ಮರ್ವಿನ್ ಆಸ್ಪತ್ರೆಡ್ ತೀರ್ದೆರ್, ಪ್ರಜ್ವಲ್ ಬೊಕ್ಕ ಪ್ರಸಾದ್ ಕಿಞ್ಞ ಕಿಞ್ಞ ಗಡಿಕುಲಾದ್ ಬಚಾನಾತೆರ್
ಉಂದೆಕ್ ಒಂಜಿ ದಿನ ದುಂಬು, ಮರ್ವಿನ್ ತನ್ನ ಪೊಸ ಪದೊನು ಯೂಟ್ಯೂಬ್ಡ್ ಬುಡುಗಡೆ ಮಲ್ತಿತ್ತೆರ್, ಅವೆನ್ ಆರ್ ಎಪಿಡಿ ಮ್ಯೂಸಿಕ್ಗ್ ನಿರ್ಮಿತ್ದ್ ಆರೇ ಶೂಟಿಂಗ್ ಮಲ್ತಿತ್ತೆರ್. ಮೇರ್ ಫೋಟೋಗ್ರಾಫರ್ ಆದ್ ಪಾಕ ತುಳು ಬೊಕ್ಕ ಕೊಂಕಣಿ ಪಿಚ್ಚರ್ಲೆಡ್ ಬೇಲೆ ಮಲ್ದೆರ್.