Last updated on August 23rd, 2025 at 10:40 am
ಬೊಲ್ತೇರ್, ಆ. 23: ಧರ್ಮಸ್ಥಳ ಪುನೊಕ್ಲೆನ್ ಕೌಂತಿನ ಪ್ರಕರಣೊಗು ಸಂಬಂಧಿತ್ದ್ ಎಸ್ಐಟಿ ಜಡ್ತೆದ ವಿಚಾರಣೆದ ಪೊರ್ತುಡು ಮಾಧ್ಯಮ ಪ್ರಕಟಣೆ ಕೊರೊಂದಿತ್ತಿನ ಸುಜಾತಾ ಭಟ್ ಪರ ವಕೀಲೆ ಮಂಜುನಾಥ್ ಎನ್ ನ ಮಿತ್ತ್ ಪ್ರಕರಣ ದಾಕಲಾತ್ಂಡ್.
ಧರ್ಮಸ್ಥಳದ ರಘುರಾಮ ಶೆಟ್ಟಿ ಬರೆಪಾದಿನ ಒಯಿಲ್ದ ಆಧಾರೊಡು ಎಫ್ಐಆರ್ ದಾಕಲಾತ್ಂಡ್. ಧರ್ಮಸ್ಥಳಡ್ ಪುನ ಕೌಂತಿನ ಪ್ರಕರಣೊಗು ಸಂಬಂಧಿತ್ದ್ ವಕೀಲೆ ಮಂಜುನಾಥ್ ಜುಲೈ 30 ದಾನಿ ಮಾಧ್ಯಮ ಪ್ರಕಟಣೆ ಕೊರ್ದಿತ್ತರ್.
ಪಾಯಿಂಟ್ ನಂಬರ್ 1ಟ್ 2 ಪುನ, ಪಾಯಿಂಟ್ ನಂ 2, 3ಟ್ 2 2 ಪುನ, ಪಾಯಿಂಟ್ ನಂಬರ್ 4 ಬೊಕ್ಕ 5ಟ್ 6 6 ಪುನ, ಪಾಯಿಂಟ್ ನಂಬರ್ 6, 7ಟ್ 8 8 ಪುನ, ಪಾಯಿಂಟ್ ನಂಬರ್ 9ಡ್ 6-7 ಪುನ, ಪಾಯಿಂಟ್ ನಂಬರ್ 10ಟ್ 3, 11ಡ್ 9 ಪುನ, ಪಾಯಿಂಟ್ ನಂಬರ್ 12ಟ್ 4-5 ಪುನ, ಪಾಯಿಂಟ್ ನಂ 13ಟ್ ಬೋಡಾಯಿನಾತ್ ಪುನ ಕೌಂತ್ದುಂಡು ಪನ್ದ್ ವಕೀಲೆ ಮಂಜುನಾಥ್ ಮಾಧ್ಯಮ ಪ್ರಕಟಣೆ ಕೊರ್ದಿತ್ತೆರ್. ಈ ಬಗೆಟ್ ಧರ್ಮಸ್ಥಳ ನಿವಾಸಿ ರಘುರಾಮ್ ಶೆಟ್ಟಿ (44) ಮೇರ್ ಬೊಲ್ತೇರ್ ಪೊಲೀಸ್ ಸ್ಟೇಶನ್ಡ್ ಒಯಿಲ್ ಬರೆಪಾದಿತ್ತೆರ್. ಒಯಿಲ್ದ ಆಧಾರೊಡು, ಬಿಎನ್ಎಸ್ ಕಾಯ್ದೆ 353(1)ಬಿ, 353(2)ದ ಅಡಿಟ್ ಎಫ್ಐಆರ್ ದಾಕಲಾತ್ಂಡ್.