Last updated on August 6th, 2025 at 03:35 pm
ಕುಡ್ಲ, ಆ. 06: : ಪುತ್ತೂರು ಮೂಲೊದ ಜಕ್ಕ ಪ್ರಾಯೊದ ವೆಟರ್ನರಿ ಡಾಕ್ಟರ್ ಒರ್ತಿ ಕುಡ್ಲಡ್ ಆತ್ಮಹತ್ಯೆ ಮಲ್ತೊಂದಿನ ನಡಕೆ ಸೋಮಾರ ನಡತ್ದ್ಂಡ್.
ಪುತ್ತೂರು ತಾಲೂಕ್ದ ಬಪ್ಪಳಿಗೆ ನಿವಾಸಿ, ಚಾರ್ಟಡ್ ಅಕೌಂಟೆಂಟ್ ಗಣೇಶ್ ಜೋಶಿ ಮೆರೆನ ಮಗಲ್, ಕುಡ್ಲಡ್ ಗೋಡಾಕ್ಟ್ರ್ ಆದಿತ್ತಿನ ಡಾ.ಕೀರ್ತನಾ ಜೋಶಿ (27) ಸೋಮವಾರ ರಾತ್ರೆ ಕುಡ್ಲದ ಇಲ್ಲಡ್ ಆತ್ಮಹತ್ಯೆ ಮಲ್ತೊಂದೆರ್. ಜೂವ ಗೆತ್ತೊನರ ಪತ್ತ ನೆವನ ತೆರಿದ್ ಬೈದಿಜಿ. ಕೀರ್ತನಾ ಜೋಶಿ ಯೆರೆನ ಮೃತದೇಹೊನು ಪುತ್ತೂರುದ ಇಲ್ಲಗ್ ಕನತ್ದ್ ಅಂತ್ಯಸಂಸ್ಕಾರ ಮಲ್ದೆರ್.
ಪಶು ವೈದ್ಯಕೀಯಡ್ ಎಂ.ಡಿ. ಶಿಕ್ಷಣ ಮಲ್ತಿತ್ತಿನ ಡಾ. ಕೀರ್ತನಾ ಜೋಶಿ ಮೇರ್ ಪುತ್ತೂರು, ಕೊಯಿಲ ಬೊಕ್ಕ ಕುಡ್ಲಡ್ ಪ್ರೈವೇಟ್ ಡಾಕ್ಟರ್ ಆದ್ ಬೇಲೆ ಮಲ್ತ್ದೆರ್. ಸೋಮಾರ ರಾತ್ರೆ ಕುಡ್ಲದ ತನ್ನ ಇಲ್ಲಡ್ ಬಲ್ಲ್ ಪಾಡೊಂದೆರ್ ಪನ್ದ್ ತೆರಿದ್ ಬೈದ್ಂಡ್. ಮೇರ್ ಅಮ್ಮೆರ್ ಗಣೇಶ್ ಜೋಶಿ, ಅಪ್ಪೆ ವೀಣಾ ಜೋಶಿ, ಒಪ್ಪ ಪುಟ್ಟಿನ ಡಾ. ಮೇಘನಾ ಜೋಶಿ ಮೊಕಲೆನ್ ಅಗತ್ದೆರ್.