Last updated on August 6th, 2025 at 01:33 pm
ಕುಡ್ಲ, ಆ. 06: ಬೆಂಗಳೂರುಡು ಬೇಲೆ ಉಂಡುನ್ದ್ ಪನ್ಡ್ದ್ ಇಲ್ಲರ್ದ್ ಕುಂಟು ಮಾತಾ ಕಟ್ಟೊಂದು ಪಿದಡ್ದಿನ ಜವನೆ ನಾಪತ್ತೆ ಆತೆ ಪನ್ದ್ ಪೊಲೀಸ್ ಸ್ಟೇಶನ್ಡ್ ಒಯಿಲ್ ದಾಕಲಾತ್ಂಡ್.
ನಾಪತ್ತೆ ಆತಿನ ಜವನೆ ಮೊಹಮ್ಮದ್ ನಿಯಾಜ್ (33), ದೇರಳಕಟ್ಟೆಯ ಎಸ್ ಎನ್ ಕುಂಟುದಂಗಡಿಡ್ ಬೇಲೆ ಮಲ್ತೊಂದಿತ್ತ್ದ್, ಆಗಸ್ಟ್ 2 ತಾನಿ ತನ್ನ ಅಪ್ಪೆ ಹಾಜಿರಾ ಡ ಬೆಂಗಳೂರುಡು ಬೇಲೆ ಉಂಡು ಪೋದು ಬರ್ಪೆನ್ದ್ ಪನ್ಡ್ದ್ ಕುಂಟು ಕಟೊಂದು ಆನಿಯೇ ಇಲ್ಲರ್ದ್ ಪೋದಿತ್ತೆ, ಆನಿ ಮಧ್ಯಾಹ್ನನೇ ಬೊಡೆದಿಗ್ ಕಾಲ್ ಮಲ್ತ್ದ್ ಕಂಕನಾಡಿದ ಫಾದರ್ ಮುಲ್ಲರ್ ಆಸ್ಪತ್ರೆಡ್ ದಾಕಲಾತಿನ ತನ್ನ ಅರ್ವದನ್ ತೂಯೆರ ಪೋಯಿ ಈ ಪಿದಡ್ದ್ ಉಂತುಲನ್ದ್ ಪನ್ದಿತ್ತೆರ್ ಪನ್ದ್ ತೆರಿಪಾದೆರ್.
ಕಾತ್ದ್ ಉಂತಿನ ಬೊಡೆದಿ ಮೊಹಮ್ಮದ್ ನಿಯಾಜ್ ಗ್ ಕಾಲ್ ಮಲ್ಪುನಗ ಆರೆನ ಮೊಬೈಲ್ ಫೋನ್ ಸ್ವಿಚ್ ಆಫ್ ಆದಿತ್ತ್ಂಡ್. ಬೊಕ್ಕ ಜವನನ ಇಲ್ಲದಕುಲು ಆರೆನ ದೋಸ್ತಿಲೆಡ, ಗುರ್ತದಕ್ಲೆಡ ಮಾತಾ ಕೇನರೆ ಪತ್ತ್ದೆರ್. ಆಂಡ ಆರೆನ ಬಗೆಟ್ ದಾಲ ಒಲವು ತಿಕ್ಕಂದಿನೆರ್ದಾವರ ಕೊಣಾಜೆ ಪೊಲೀಸ್ ಸ್ಟೇಶನ್ಡ್ ನಾಪತ್ತೆ ಪ್ರಕರಣ ದಾಕಲ್ತ್ದೆರ್.
ಮೊಹಮ್ಮದ್ ನಿಯಾಜ್ (33 ವರ್ಷ) ತಿಕ್ಕ್ಂಡ ಪೊಲೀಸ್ ನಿರೀಕ್ಷಕೆರ್, ಕೊಣಾಜೆ ಪೊಲೀಸ್ ಸ್ಟೇಶನ್, ಕುಡ್ಲ ಮೊಬೈಲ್ ನಂಬರ್ 9480802315, 9019873901 ಅತ್ತ್ಂಡ ಲ್ಯಾಂಡ್ಲೈನ್ ಸಂಖ್ಯೆ 0824-2220536, 0824-2220800 e-mail address:- [email protected] ಗ್ ತೆರಿಪಾಯೆರ ಪನ್ತೆರ್.