Last updated on September 10th, 2025 at 10:42 am
ಚಾಮರಾಜನಗರ, ಸೆ. 10: ಪಿಲಿ ಪತ್ತೆರಾವಂದಿನ ಅರಣ್ಯ ಇಲಾಖೆದ ಸಿಬ್ಬಂದಿಲೆನೇ ಗೂಡ್ಡ್ ಪಾಡ್ದ್ ಗ್ರಾಮಸ್ಥೆರ್ ಆಕ್ರೋಶ ತೂಪಾದಿನ ನಡಕೆ ಬಂಡೀಪುರ ಬಫರ್ ಜೋನ್ದ, ಗುಂಡ್ಲುಪೇಟೆ ತಾಲೂಕ್ದ ಬೊಮ್ಮಲಾಪುರ ಗ್ರಾಮೊಡು ನಡತ್ದ್ಂಡ್.
ಬೊಮ್ಮಲಾಪುರ ಗ್ರಾಮೊದ ಗಂಗಪ್ಪೆ ಪನ್ಪಿನಾರೆನ ಜಾಗೆಡ್ ದೀದಿತ್ತಿನ ತುಮಕೂರು ಕೇಜ್ ಡ್ ಅರಣ್ಯ ಇಲಾಖೆದ ಗಾರ್ಡ್, ವಾಚರ್ ಸೇರ್ದ್ 7 ಜನ ಸಿಬ್ಬಂದಿಲೆನ್ ಗ್ರಾಮಸ್ಥೆರ್ ಕೂಡ್ದ್ ಪಾಡ್ದೆರ್. ಮಿತ್ತ್ದಧಿಕಾರಿಲು ಬರ್ಪುನೇಟಲಾ ಎಂಕ್ಲ ಈ ಗೂಡ್ದ ಬಾಕಿಲ್ ದೆಪ್ಪುಜ ಪನ್ದ್ ಗ್ರಾಮಸ್ಥೆರ್ ಚೊರೆ ಕಟ್ಟ್ದೆರ್.
ಕರಿನ ಒಂಜಿ ತಿಂಗೊಲುಗು ದುಂಬು ಗ್ರಾಮೊದ ಜಾಗೆಡ್ ಪಿಲಿ ತೂವರೆ ತಿಕ್ಕ್ದಿತ್ತ್ಂಡ್. ಗ್ರಾಮಸ್ಥೆರೆ ಕಾಯೆಸ್ರ್ದಾವರ ಅರಣ್ಯ ಇಲಾಖೆ ಪಿಲಿ ಪತ್ತೆರೆ ಗೂಡ್ ದೀದಿತ್ತ್ಂಡ್. ಆಂಡ ಪಿಲಿ ಮಾತ್ರ ಐಕ್ ಬೂರ್ದಿಜ್ಜಂಡ್. ಈ ಪಿಲಿರ್ದಾವರ ಎಂಕ್ಲೆಗ್ ಬಾರೀ ಬಂಙ ಆವೊಂದುಂಡು. ದಾಲ ಕೇನ್ಡ್ನ್ಡ ಪಿಲಿ ಪತ್ತುವ ಪನ್ದ್ ಪನ್ಡ್ದ್ ದಾಲ ಮಲ್ಪುಜೆರ್ ಪನ್ದ್ ಗ್ರಾಮಸ್ಥೆರ್ ಬೆಚ್ಚ ಆತೆರ್. ಅಂಚೆನೇ ಕೋಡೆ ಅರಣ್ಯ ಇಲಾಖೆದ ಸಿಬ್ಬಂದಿಲೆನ್ ಕೂಡ್ಪಾಡ್ದ್ ಪ್ರತಿಭಟನೆ ಮಲ್ತ್ದೆರ್.