Last updated on October 30th, 2025 at 12:48 pm
ಕುಕ್ಕೆ, ಅ. 30: ಆದಿ ಸುಬ್ರಹ್ಮಣ್ಯದ ಸಭಾಭವನೊಡು ನಡಪರೆಗಿತ್ತಿನ ಮದಿಮೆಗ್ ಬರೊಂದಿತ್ತಿನ ಟೆಂಪೋ ಒಂಜಿ ಡ್ರೈವರ್ನ ಅಂಕೆ ತತ್ತ್ದ್ ಕಬ್ಬೆ ಬೂರ್ದಿನ ನಡಕೆ ನಡತಿತ್ತ್ದ್, 20 ರ್ದ್ಲಾ ಎಚ್ಚ ಜನಕ್ ಗಡಿಕುಲಾತ. ಬಿಸ್ಲೆ ಘಾಟಿದ ತಿರ್ಗೆಲ್ಡ್ ಈ ನಡಕೆ ನಡತ್ದ್ಂಡ್.
ಆದಿ ಸುಬ್ರಹ್ಮಣ್ಯಡ್ ಕೂಡುರಸ್ತೆ ವನಗೂರುದ ಜವನೆ ಬೊಕ್ಕ ಏನೆಕಲ್ಲ್ದ ಪೊಣ್ಣಗ್ ಇನಿ ಮದಿಮೆ ಆವೊಡಿತ್ತ್ಂಡ್. ಆಣ್-ಪೊಣ್ಣು ಇರ್ವೆರ್ಲಾ ಕೋಡೆನೇ ಹಾಲ್ಗ್ ಬತ್ತಿತ್ತೆರ್. ಆಣ ಕೋಡಿದಕುಲು ಇನಿ ಟೆಂಪೋಡ್ ಬನ್ನಗ ಬಿಸ್ಲೆದ ತಿರ್ಗೆಲ್ಡ್ ಗಾಡಿ ಇರ್ವ ಫೀಟ್ ಗಂತ್ದ ಗುಂಡಿಗ್ ಕಬ್ಬೆ ಬೂರ್ದ್ಂಡ್
ಟೆಂಪೋಡ್ ಇತ್ತಿನ 20ರ್ದ್ಲಾ ಎಚ್ಚ ಜನಕ್ ಗಡಿಕುಲಾತ, ಕೆಲ ಜನೊಕು ಗಾತಿದ ಗಡಿಕುಲಾತ. ಅಕ್ಲೆಗ್ ಸುಬ್ರಹ್ಮಣ್ಯ ಪ್ರಾಥಮಿಕ ಆರೋಗ್ಯ ಕೇಂದ್ರೊಡು ಕಡೀರ ಮರ್ದ್ ಮಲ್ತ್ದ್, ಎಚ್ಚಿನ ಮರ್ದ್ಗ್ ಕುಡ್ಲಗ್ ಲೆತೊಂದು ಪೋತೆರ್.