Last updated on November 18th, 2025 at 08:18 am
ಕುಡ್ಲ, ನವೆಂಬರ್ 18: ಮಾಜಿ ಶಾಸಕೆ ಮೊಯ್ದೀನ್ ಬಾವೆರೆನ ವಾಟ್ಸ್ಯಾಪ್ ನ್ ಹ್ಯಾಕ್ ಮಲ್ತಿನ ಹ್ಯಾಕರ್ಸ್, ಬೊಕ್ಕ ಆರೆನ ಕಾಂಟ್ಯಾಕ್ಟ್ ಲಿಸ್ಟ್ ಡ್ ಇತ್ತಿನಕ್ಲೆಗ್ ಕಾಸ್ ಕೇನೊನ್ದು ಮೆಸೇಜ್ ಮಲ್ದಿನ ನಡಕೆ ನಡತ್ದ್ಂಡ್.
ಕೋಡೆ ಮಧ್ಯಾಹ್ನರ್ದ್ ಬಾವೆರೆನ ವಾಟ್ಸ್ಯಾಪ್ ಹ್ಯಾಕ್ ಮಲ್ದಿನ ಹ್ಯಾಕರ್ಸ್ ಆರೆನ ನಂಬರ್ರ್ದ್ ಪತ್ರಕರ್ತೆರ್, ಪೊಲೀಸೆರ್, ಸೇರ್ದ್ ಆರೆನ ಕಾಂಟಾಕ್ಟ್ ಲಿಸ್ಟ್ಡ್ ಇತ್ತಿನಕ್ಲೆಗ್ ಕಾಸ್ ಕೊರ್ಲೆ ಪನ್ದ್ ಮೆಸೇಜ್ ಮಲ್ದೆರ್ ಪನ್ದ್ ವರದಿ ಆತ್ಂಡ್.
ಬಾವೆರೆನ ವಾಟ್ಸ್ಯಾಪ್ ನಂಬರ್ರ್ದ್ ʻಈರೆರ್ದ್ ಎಂಕ್ ಸಕಾಯ ಆವೊಡು’ ಪನ್ದ್ ಮೆಸೇಜ್ ಬೈದ್ಂಡ್. ಬಾವೆರ್ ದಾದನೋ ಬಂಙೊಡುಲ್ಲೆರ್ ಪನ್ದ್, ʻದಾದ ಆಂಡ್ ಬಾವೆರೇ?ʼ ಪನ್ದ್ ಕೇನ್ನಗ, ಇಂಗ್ಲೀಷ್ಡ್ ಕತೆ ಪನ್ರೆ ಪತ್ತ್ದೆರ್, ಎನ್ನ ಕುಡೊಂಜಿ ಯಪಿಐ ಐಡಿ ಕೊರ್ಪೆ, ಐಕ್ ಕಾಸ್ ಕಡಪುಡ್ದು, ಐತ ಸ್ಕ್ರೀನ್ ಶಾಟ್ ಕಡಪುಡ್ಲೆ ಪನ್ದ್ ಇಂಗ್ಲೀಷ್ಡ್ ಕೇನೊನ್ದೆರ್.
ಉಂದೆನ್ ತೂದು ಸೋದ್ಯೊಡು ಮೆಸೇಜ್ ಬತ್ತಿನಕುಲು ಬಾವೆರೆಗೇ ಸೀದ ಫೋನ್ ಮಲ್ತ್ದ್ ವಿಚಾರಿತ್ದೆರ್. ಈ ಪೊರ್ತುಡು ಆರೆನ ಮೊಬೈಲ್ ಹ್ಯಾಕ್ ಆತಿನ ತೆರಿದ್ ಬೈದ್ಂಡ್.