Last updated on November 4th, 2025 at 04:09 pm
ಬೆಂಗಳೂರು, ನ. 04: ಇಲ್ಲಬೇಲೆದಾಲ್ ಒರ್ತಿ ಎಲ್ಯ ನಾಯಿನ್ ಕುಂಟು ಅರ್ದಿಲೆಕ ನೆಲಕ್ ಆಕ್ದ್ ಭೀಕರವಾದ್ ಕೆರ್ತಿನ ನಡಕೆ ಬೆಂಗಳೂರ್ದ ಬಾಗಲೂರಿನ ಅಪಾರ್ಟ್ಮೆಂಟ್ ಒಂಜೆಟ್ ನಡತ್ದ್ಂಡ್. ನಾಯಿದ ಕಿನ್ನಿನ್ ತೂವೊನುನ ಬೇಲೆಗೇ ಇತ್ತಿನ ಪೊಂಜೊವು ಇಂಚಿನ ಅಮಾನವೀಯ ಬೇಲೆ ಮಲ್ತಿತ್ತ್ದ್, ಆಲೆನ ಮಿತ್ತ್ ಸಾಮಾಜಿಕ ಬಲೆತ್ತಾನೊಡು ಬಾರೀ ಆಕ್ರೋಶ ತೋಜಿದ್ ಬೈದ್ಂಡ್.
ಎಂಬಿಎ ಕಲ್ತೊಂದುಪ್ಪುನ ರಾಶಿ ಪೂಜಾರಿ ಪನ್ಪಿನಾರ್ 4 ವರ್ಸೊಗು ದುಂಬು ಚಿಹೋವಾ ಬ್ರೀಡ್ದ ಕಿಞ್ಞ ನಾಯಿನ್ ಕನತ್ ತಾಂಕೊಂದಿತ್ತೆರ್. ಅವೆಕ್ ಗೂಫಿ ಪನ್ದ್ ಪುದರ್ಲಾ ದೀದಿತ್ತೆರ್. ರಾಶಿನ ಪಾಲ್ಗ್ ಈ ಗೂಫಿಯೇ ಬಾಲೆ ಆದಿತ್ತ್ಂಡ್. ಕಿಞ್ಞ ಕಿಞ್ಞ ಪಜ್ಜೆ ದೀವೊಂದು ಈ ಗೂಫಿ ಮಲ್ತೊಂದಿತ್ತಿನ ಲೂಟಿಲನ್ ತೂವೊಂದೇ ರಾಶಿ ಖುಷಿ ಟ್ ಇಪ್ಪೆದೆರ್. ಕೇಕ್ ಮೂರ್ದ್ ಪುಟ್ಟಿನ ದಿನೊನ್ಲಾ ಕರಿತೊಂದಿತ್ತೆರ್. ಗೂಫಿ ಲಾ ಇಲ್ಲದಾಯಲೆಕ ಇತ್ತೆ.
ಕಾಲೇಜ್ಗ್ ಪೋನಗ, ಇಲ್ಲಡ್ ಏರ್ಲಾ ಇಜ್ಜಂದಿನಪಗ ಗೂಫಿನ್ ತೂವೊನರೆ ಬೋಡಾದೇ ಪುಷ್ಪಲತಾ ಪನ್ಪಿನಾಲೆನ್ ರಾಶಿ ಬೇಲೆಗ್ ದೀದಿತ್ತೆರ್. ಆಂಡ ಪುಷ್ಪಲತಾ ಇಂಚಿನ ರಕ್ಕಸೆದಿ ಪನ್ದ್ ಪಿನ್ಪಿಜ್ಜಂಡ್. ಅಕ್ಟೋಬರ್ 31 ದಾನಿ ಗೂಫಿನ್ ವಾಕಿಂಗ್ಗ್ ಕರೆದುಕೊಂಡು ಹೋಗುವಾಗ ಈ ಪುಷ್ಪಲತಾ, ನಾಯಿ ದ ಕೆಕ್ಕಿಲ್ ಕಟ್ಟ್ದಿತ್ತಿನ ಬೆಲ್ಟ್ ಪತೊಂದು ದೇರ್ತ್ದ್ ನೆಲಕ್ ಜೋರುಡು ಆಕ್ದಲ್. ಆತೇ, ಆ ನಾಯಿ ಆಲ್ಪನೇ ತೀರ್ದ್ಂಡ್
ಪುಷ್ಪಲತಾನ ಕ್ರೌರ್ಯ ಸಿಸಿಟಿವಿ ಡ್ ಕೈದಾತ್ಂಡ್. ಆಂಡ, ಆಲ್, ಇಲ್ಲಗ್ ಬತ್ತ್ದ್ ಕತೆ ಕಟ್ಟ್ದಲ್. ಲಿಫ್ಟ್ರ್ದ್ ಬೂರ್ದ್ ಗೂಫಿ ಸೈತ್ಂಡ್ ಪನ್ದ್ ಕಲುಕತೆ ಪನ್ತಲ್. ಆಂಡ ಸಿಸಿಟಿವಿ ಫೂಟೇಜ್ ತೂನಗ ಪುಷ್ಪಲತಾನ ಕ್ರೌರ್ಯ ತೆರಿದ್ ಬೈದ್ಂಡ್.
ಬಾಲೆದ ಲೆಕ ತಾಂಕಿನ ಗೂಫಿ ನ್ ಈ ನಮೂನೆ ಕೆರ್ತಿನೆನ್ ತೂದು ರಾಶಿ ಪೂಜಾರಿಗ್ ತೆಡಿಲ್ ಆಕಿಲೆಕ ಆತ್ಂಡ್. ಈ ಬಗೆಟ್ ಇನ್ಸ್ಟಾಗ್ರಾಂಡ್ ಬೆಸರ್ಡ್ ಪೋಸ್ಟ್ ಪಟ್ಟೊಂದೆರ್.
ಪುಷ್ಪಲತಾ ಕಾಲಿ 45 ದಿನೊಕು ದುಂಬು ಬೇಲೆಗ್ ಸೇರ್ದಿತ್ತಲ್ಗೆ. ನಾಯಿನ್ ದಾಯೆ ಕೆರ್ತ ಪನ್ದ್ ಕೇನ್ಡಿನೆಕ್ ನನಲಾ ಬಾಯಿ ಬುಡ್ತುಜಲ್ ಪನ್ದ್ ತೆರಿದ್ ಬೈದ್ಂಡ್. ಇತ್ತೆ ರಾಶಿ ಬರೆಪಾದಿನ ಒಯಿಲ್ದ ಪ್ರಕಾರ ಪುಷ್ಪಲತಾನ್ ಬಾಗಲೂರು ಸ್ಟೇಷನ್ ಪೊಲೀಸೆರ್ ಕೈದ್ ಮಲ್ತ್ದ್, ವಿಚಾರಣೆ ಮಲ್ತೊಂದುಲ್ಲೆರ್.
ತಿರ್ತ್ದ ವೀಡಿಯೋ ಈರೆಗ್ ಪೋಡಿಗೆ ಪುಟ್ಟಾವುಲೆಕ/ಅಲ್ಕ್ದ್ ಬೂರುಲೆಕ/ಬೇಜಾರ್ ಆಪಿಲೆಕ ಇಪ್ಪು. ಉಡಲ್ ಗಟ್ಟಿ ಮಲ್ತೊಂದು ತೂಲೆ