Last updated on November 5th, 2025 at 12:06 pm
ಉಬಾರ್, ನ. 5: ಉಬಾರ್ದ ಹೋಟೆಲ್ ಒಂಜೆಟ್ ಬೇಲೆ ಮಲ್ತೊಂದಿತ್ತಿನಾರ್ ಒಂಜನೇ ಮಾಲಿಗೆದ ಕಾರಿಡಾರ್ರ್ದ್ ಆಯತತ್ತ್ದ್ ಬರಿತ ತೋಡುಗು ಬೂರ್ದ್ ತೀರ್ದಿನ ನಡಕೆ ನ.4ತ ಪುಲ್ಯಡ್ ನಡತ್ದ್ಂಡ್.
ಬೊಲ್ತೇರ್ ತಾಲೂಕ್ ಉರುವಾಲ್ ಗ್ರಾಮೊದ ಬನಾರಿ ಗಣೇಶ್ ನಾಯ್ಕೆ (60) ತೀರ್ದಿನಾರ್. ಮೇರ್ ಉಬಾರ್ದ ಒಂಜಿ ಕಟ್ವಾನೊಡು ಒಂಜನೇ ಮಾಲಿಗೆಡ್ ಇತ್ತಿನ ಹೋಟೇಲ್ ಒಂಜೆಟ್ ಬೇಲೆ ಮಲ್ತೊಂದಿತ್ತ್ದ್, ಪುಲ್ಯ ಲಕ್ಕ್ದ್ ಕಾರಿಡಾರ್ ದಡೆ ಬನ್ನಗ ಅಯತತ್ತ್ದ್ ತಿರ್ತ್ದ ತೋಡುಗು ಬೂರ್ದಿತ್ತೆರ್. ಈ ಪೊರ್ತುಡು ತರೆಕ್ ಗಾತಿದ ಗಡಿಕುಲಾದ್ ಆರ್ ಅಲ್ಪನೇ ತೀರ್ದೆರ್. ನಡಕೆಗ್ ಸಂಬಂಧಿತ್ದ್ ತೀರ್ದಿನಾರೆನ ಮಗೆ ಜಗದೀಶ್ ಪನ್ಪಿನಾರ್ ಪೋಲೀಸೆರೆಡ ಒಯಿಲ್ ಬರೆಪಾದಿತ್ತ್ದ್, ಉಬಾರ್ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್.