Last updated on December 3rd, 2025 at 04:08 pm
ಕಾಸ್ರೋಡ್, ಡಿ. 03: ಕಾಸರಗೋಡು ಜಿಲ್ಲಾ ಕುಲಾಲ ಸಂಘ (ರಿ.) ಮಂಜೇಶ್ವರ ಉಂದೆತ ನಿರೆಲ್ಡ್ ಮಹಾಕಾಳಿ ಭಜನಾ ಮಂದಿರ, ಶ್ರೀ ಬಾಲಾಂಜನೇಯ ವ್ಯಾಯಾಮ ಶಾಲೆ, ಶ್ರೀ ಶಿವಶಕ್ತಿ ಸೀತಾರಾಮ ಭಜನಾ ಮಂದಿರ ಕುಂಜತ್ತೂರ್, ಕೆ. ಎಸ್. ಹೆಗ್ಡೆ ಆಸ್ಪತ್ರೆ ದೇರಳಕಟ್ಟೆ ಉಂದೆತ ಒಟ್ಟುಸೇರಿಗೆಡ್ ಜಿಲ್ಲಾ ಮಟ್ಟೊದ ಮಾಮಲ್ಲ ನೆತ್ತೆರ್ ಉಂಬೊಲಿ (ರಕ್ತದಾನ) ಶಿಬಿರ ಅಂಚೆನೇ ಧರ್ಮಾರ್ಥ ಆರೋಗ್ಯ ತಪಾಸಣಾ ಶಿಬಿರ ಡಿಸೆಂಬರ್ 7 ಕ್ ತೂಮಿನಾಡ್ಡ್ ಇಪ್ಪುನ ಕಾಸರಗೋಡು ಜಿಲ್ಲಾ ಕುಲಾಲ ಸಮುದಾಯ ಭವನೊಡು ನಡಪರೆಗುಂಡು.
ಈ ಲೇಸ್ದ ಗುರ್ಕಾರ್ಮೆನ್ ಜಿಲ್ಲಾ ಕುಲಾಲ ಸಂಘೊದ ಗುರ್ಕಾರೆ ಶ್ರೀ ರವೀಂದ್ರ ಮುನ್ನಿಪ್ಪಾಡಿ ಮೇರ್ ವಯಿತೊನರೆ ಇತ್ತ್ದ್, ಉದಿಯಾರ್ ಮಾಡದ ಪಲಯ ದೈವೊದ ಪಾತ್ರಿ ಶ್ರೀ ರಾಜ ಬೆಲ್ಚಡ ಮೇರ್ ಉದಿಪನ ಮಲ್ಪೆರಗುಲ್ಲೆರ್. ಈ ಲೇಸ್ಡ್ ಡಾ. ಅನಂತನ್ ಆರ್., ಶ್ರೀ ಲಕ್ಷ್ಮಣ್ ಕುಂದರ್, ಶ್ರೀ ಮೋಹನ್ ಶೆಟ್ಟಿ ತೂಮಿನಾಡ್, ಶ್ರೀ ವೈಭವ್ ಶೆಟ್ಟಿ ನಾರ್ಲ, ಶ್ರೀ ಲೋಹಿತ್ ಶೆಟ್ಟಿ ಅಮ್ಮಮಜಲ್, ಶ್ರೀ ಸೋಮಪ್ಪ ಸಾಲ್ಯಾನ್ ಕುಂಜತ್ತೂರ್ ಮಲ್ಲ ಬಿನ್ನೆರಾದ್ ಪಾಲ್ಪಡೆಯೆರೆ ಉಲ್ಲೆರ್. ಮಾತೆರ್ಲಾ ಎಚ್ಚಿನ ಸಂಖ್ಯೆಡ್ ಬತ್ತ್ದ್ ಪಾಲ್ಪಡೆದ್ ಈ ಲೇಸ್ದ ಸೌಲತ್ತ್ಲೆನ್ ಗಲಸೊನೊಡು ಪನ್ದ್ ಸಂಘಟಕೆರ್ ಬಿನ್ನೈತೊಂದೆರ್.
