Last updated on December 9th, 2025 at 08:53 am
ಕುಡ್ಲ, ಡಿಸೆಂಬರ್ 09: ಅಡ್ಯಾರ್ದ ಕೈತಲ್ ಕೆತ್ತಿ ಕೊನೊಪುನ ಗಾಡಿಗ್ ಪಿರವುರ್ದ್ ಒಂಜಿ ಲಾರಿ ಎಡ್ತಿನ ನಡಕೆ ಕೋಡೆ, ಸೋಮಾರ ನಡತ್ದ್ಂಡ್. ಉಂದೆರ್ದಾವರ ಗಾಡಿ ಸಾದಿಗ್ ಕಬ್ಬೆ ಬೂರ್ದಿತ್ತ್ದ್, ಕೆತ್ತಿಲು ಪುಡದ್ ಸಾರಗಟ್ಲೆ ರೂ. ನಷ್ಟ ಆತ್ಂಡ್.
ಸೋಮಾರ ಕಾಂಡೆ 10ಕ್ ಪರಂಗಿಪೇಂಟೆ ದಂಚಿರ್ದ್ ಕುಡ್ಲಗ್ ಬರೊಂದಿತ್ತಿನ ಗಾಡಿಗ್ ಅಡ್ಯಾರ್ ಸಹ್ಯಾದ್ರಿ ಕಾಲೇಜ್ದ ಕೈತಲ್ ಪಿರವುರ್ದ್ ಲಾರಿ ಎಡ್ತ್ದ್ಂಡ್. ಉಂದೆರ್ದಾವರ ಡಿವೈಡರ್ ಮಿತ್ತರಿನ ಕೆತ್ತಿ ಕೊನೊಪುನ ಗಾಡಿ ಕಬ್ಬೆ ಬೂರ್ದ್ಂಡ್.
ನಡಕೆಡ್ ಏರೆಗ್ಲಾ ದಾಲ ಆತಿಜಿ. ಆಂಡ ಸಾದಿಡ್ ಕೆತ್ತಿ ಪುಡದ್ ಬೂರ್ದಿತ್ತ್ದ್, ಒಂತೆ ಪೊರ್ತು ಟ್ರಾಫಿಕ್ಗ್ ಉಪದ್ರ ಆಂಡ್ ಪನ್ದ್ ಪೋಲೀಸೆರ್ ತೆರಿಪಾದೆರ್.