ಕುಂಜತ್ತೂರುದ ಜಿಲ್ಲಾ ಕುಲಾಲ ಸಮುದಾಯ ಭವನೊಡು ಐತಾರ ಯಶಸ್ವಿಯಾದ್ ನಡತ್ಂಡ್ ಮಾಮಲ್ಲ ನೆತ್ತೆರ್ ಉಂಬೊಲಿ, ಆರೋಗ್ಯ ತಪಾಸಣಾ ಶಿಬಿರ

Last updated on December 8th, 2025 at 03:29 pm

ತೂಮಿನಾಡ್, ಡಿ. 08: ಕಾಸರಗೋಡು ಜಿಲ್ಲಾ ಕುಲಾಲ ಸಂಘ (ರಿ) ಮಂಜೇಶ್ವರ, ಕುಂಜತ್ತೂರು ಉಂದೆತ ಮುತಾಲಿಕೆಡ್ ಶ್ರೀ ಮಹಾಕಾಳಿ ಭಜನಾ ಮಂದಿರ, ತೂಮಿನಾಡ್, ಶ್ರೀ ಬಾಲಾಂಜನೇಯ ವ್ಯಾಯಾಮ ಶಾಲೆ, ಕಂಜತ್ತೂರುಪದವು, ಶ್ರೀ ಶಿವಶಕ್ತಿ ಸೀತಾರಾಮ ಭಜನಾ ಮಂದಿರ, ಕುಂಜತ್ತೂರು ಬೊಕ್ಕ ಕುಲಾಲ ಪಂಚಾಯತ್ ಶಾಖೆಲೆನ ಸಹಕಾರೊಡು ಕೆ.ಎಸ್. ಹೆಗ್ಡೆ ಆಸ್ಪತ್ರೆ ದೇರಳಕಟ್ಟೆ ಉಂದೆತ ಒಟ್ಟುಸೇರಿಗೆಡ್ ಜಿಲ್ಲಾ ಮಟ್ಟೊದ ಮಾಮಲ್ಲ ನೆತ್ತೆರ್ ಉಂಬೊಲಿ ಶಿಬಿರ ಬೊಕ್ಕ ಉಚಿತ ಆರೋಗ್ಯ ತಪಾಸಣಾ ಶಿಬಿರ ತೇದಿ 07-12-2025 ಐತಾರದಾನಿ ಜಿಲ್ಲಾ ಕುಲಾಲ ಸಮುದಾಯ ಭವನ ಕುಂಜತ್ತೂರುಡು ನಡತ್ಂಡ್.

ಈ ಲೇಸ್‌ನ್ ಉದ್ಯಾವರ ಮಾಡದ ಶ್ರೀ ರಾಜ ಬೆಳ್ಚಡೆರ್  ತುಡರ್ ಅರ್ಲಾದ್ ಉದಿಪನ ಮಲ್ತ್‌ದ್ ಎಡ್ಡೆಪು ಬಯಕಿಯೆರ್. ಕಾರ್ಯಕ್ರಮೊದ ಗುರ್ಕಾರ್ಮೆನ್ ಜಿಲ್ಲಾ ಕುಲಾಲ ಸಂಘೊದ ಅಧ್ಯಕ್ಷೆರಾಯಿನ ನ್ಯಾಯವಾದಿ ರವೀಂದ್ರ ಮುನ್ನಿಪ್ಪಾಡಿ ಮೇರ್ ವಯಿತೊಂಡೆರ್. ಈ ಕಾರ್ಯಕ್ರಮೊಡು ಡಾ| ಅನಂತನ್ ಆರ್. ನ್ಯೂರೋಸರ್ಜನ್, ದೇರಳಕಟ್ಟೆ ಆಸ್ಪತ್ರೆ, ಶ್ರೀ ಮೋಹನ್ ಶೆಟ್ಟಿ, ತೂಮಿನಾಡ್, ಶ್ರೀ ಲೋಹಿತ್ ಶೆಟ್ಟಿ ಅಮ್ಮಮಜಲ್, ಶ್ರೀ ಸೋಮಪ್ಪ ಸಾಲಿಯಾನ್ ಕುಂಜತ್ತೂರು, ಶ್ರೀ ಕೃಷ್ಣ ಶಿವಕೃಪಾ ಕುಂಜತ್ತೂರುಪದವು, ಶ್ರೀ ಕಮಲಾಕ್ಷ ಕೆ. ತೂಮಿನಾಡ್, ಶ್ರೀ ಜಯರಾಮ ಶೆಟ್ಟಿ ಕುಂಜತ್ತೂರು, ಶ್ರೀ ರಾಜೇಶ್ ಕುಲಾಲ್ ತೂಮಿನಾಡ್, ಶ್ರೀ ಹರೀಶ್ ಶೆಟ್ಟಿ ಉದ್ಯಾವರ, ಶ್ರೀ ಗೋಪಾಲ್ ಸಾಲಿಯಾನ್, ಕಣ್ವತೀರ್ಥ, ಶ್ರೀ ಉದಯಕುಮಾರ್ ಕಣ್ವತೀರ್ಥ ಮಲ್ಲ ಬಿನ್ನೆರಾದ್ ಪಾಲ್ ಪಡೆದ್ ಎಡ್ಡೆಪು ಬಯಕಿಯೆರ್. ಈ ಕಾರ್ಯಕ್ರಮೊಡು ಸುಮಾರ್ 50 ಯುನಿಟ್ ನೆತ್ತೆರ್ ಒಟ್ಟಾಂಡ್ ಅಂಚೆನೇ 150 ರ್ದ್‌ಲಾ ಎಚ್ಚ ಶಿಬಿರಾರ್ಥಿಲು ಶಿಬಿರೊದ ಸದುಪಯೋಗ ಮಲ್ತೊಂಡೆರ್. ಈ ಪೊರ್ತುಡು ಪೆರಿಯ ನ್ಯೂರೋ ಸರ್ಜನ್ ಡಾ। ಅನಂತರ್ ಆರ್ ಮೆರೆಗ್ ಸಂಘಟಕೆರೆ ಪರವಾದ್ ಮಾನಾದಿಗೆ ಮಲ್ತೆರ್.
ಕಡೀರ್‌ಡ್ ಶ್ರೀ ದಾಮೋದರ್ ಮಾಸ್ಟರ್ ಕರ್ಮ್ಬುದಬಿತ್ತಿಲ್ ಎದುಕೊಂಡೆರ್. ಆ ಕಾರ್ಯಕ್ರಮೊಡು ಶ್ರೀ ಬಾಲಕೃಷ್ಣ ದೀಕ್ಷಾ ಕುಂಜತ್ತೂರುಪದವು, ಜಗದೀಶ್ ಕಣ್ವತೀರ್ಥ, ಸತೀಶ್ ಮದ್ವ, ತಾರಾನಾಥ ಕಣ್ವತೀರ್ಥ, ಪ್ರಸಾದ ತೂಮಿನಾಡ್, ಪ್ರವೀಣ್ ಅರಿಬೈಲ್, ಶರತ್ ಅರಿಬೈಲ್, ಮಹೇಶ್ ಕೆದಂಬಾಡಿ, ಸುರೇಶ್ ಕಣ್ವತೀರ್ಥ, ಆನಂದ ಸಾಲಿಯಾನ್ ಕಣ್ವತೀರ್ಥ, ಭೋಜ ಮಾಸ್ಟರ್ ಕಾವೂರು, ಶ್ರೀಮತಿ ಕುಶಲಾಕ್ಷಿ ವಿ ಕುಲಾಲ್ ಕಣ್ವತೀರ್ಥ, ಸುಧೀರ್ ಕೊಡಂಗೆ ಬೊಕ್ಕ ಬೇತೆ ಸಂಘಟನೆಲೆನ ಪದುಕೆರ್ ಪಾಲ್ ಪಡೆಯೆರ್, ಶ್ರೀ ಈಶ್ವರ ಕುಲಾಲ್ ಕಣ್ವತೀರ್ಥ ಅಕೇರಿಡ್ ಸೊಲ್ಮೆ ಸಂದಾಯೆರ್, ಶ್ರೀ ಸುಧೀರ್ ರಂಜನ್ ದೈಗೋಳಿ ಲೇಸ್ ಸುದಾರ್ಮೆ ಮಲ್ತೆರ್.