Last updated on December 21st, 2025 at 11:25 am
ಉಬಾರ್, ಡಿ. 20: ಬೆಳಗಾವಿ ಮೂಲೊದ ಪೊಂಜೊವು ಒರ್ತಿ ತನ್ನ ಕಂಡನೆ ಬೊಕ್ಕ ಅಪ್ರಾಪ್ತ ಪ್ರಾಯೊದ ಮಗಲೆನ ಒಟ್ಟುಗು ಬೇಲೆದ ಮಿತ್ತ್ ಬತ್ತ್ದ್ ಉಬಾರ್ ಪೊಲೀಸ್ ಸ್ಟೇಶನ್ ಸೀಮೆಡ್ ಇತ್ತೆರ್. ಈ ನಡುಟು ಅಬ್ದುಲ್ ಗಫೂರ್ ಪನ್ಪಿನ ಆಂಜೊವು ಅಪ್ರಾಪ್ತ ಪೊಣ್ಣಗ್ ಚೀಯದ ಕೃಷಿ ಕಲ್ಪಾವೆ ಪನ್ದ್ ನಂಬಾದ್, ಕರಿನ ರಡ್ಡ್ ತಿಂಗೊಲುರ್ದಿಂಚಿ ತನ್ನ ಇಲ್ಲಡ್ ಉಂತಾದಿತ್ತೆಗೆ.
ಡಿಸೆಂಬರ್ 19ದಾನಿ ಪೊಣ್ಣನ ಇಲ್ಲದಕುಲು ಊರುರ್ದ್ ಪಿರ ಬತ್ತಿ ಪೊರ್ತುಡು ಪೊಣ್ಣು ಬುಲಿತೊಂದು ಬತ್ತ್ದ್, ಡಿಸೆಂಬರ್ 2ರ್ದೊ ಆರೋಪಿ ಮಿತ್ತ್ ನಿರಂತರವಾಗಿ ಲೈಂಗಿಕ ದೌರ್ಜನ್ಯ ಮಲ್ದಿನೆನ್ ತೆರಾಪಾದಲ್ ಪನ್ದ್ ಒಯಿಲ್ಡ್ ಬರೆತೆರ್.
ಈ ಬಗೆಟ್ ಪೋಷಕೆರ್ ಬರೆಪಾದಿನ ಒಯಿಲ್ದ ಆಧಾರೊಡು ಉಬಾರ್ ಪೊಲೀಸ್ ಸ್ಟೇಶನ್ಡ ಅ.ಕ್ರ. 118/2025 ಅಡಿಟ್ BNS-2023ದ ಕಲಂ 115(2), 351(2), 65(1) ಬೊಕ್ಕ ಪೋಕ್ಸೋ ಕಾಯ್ದೆದ 2012ತ ಕಲಂ 4 ಬೊಕ್ಕ 6ತ ಪ್ರಕಾರ ಪ್ರಕರಣ ದಾಕಲ್ತೊಂದು ಜಡ್ತೆ ಮಲ್ತೊಂದುಲ್ಲೆರ್.
ಪೊಲೀಸೆರ್ ತಾಪುರ್ತೋಪು ಕಾರ್ಯಾಚರಣೆ ಮಲ್ತ್ದ್ ಆರೋಪಿನ್ ವಶೊಕು ಗೆತೊಂದಿತ್ತ್ದ್, ನನದ ಕಾನೂನು ಕ್ರಮ ಗೆತೊನುವೆರ್ ಪನ್ದ್ ಪೊಲೀಸ್ ಮೂಲೊಲು ತೆರಿಪಾದ.