Last updated on December 21st, 2025 at 10:27 am
ಬಂಟ್ವಾಳ, ಡಿ. 21: ಪೇಪರ್ ಡಿಸ್ಟ್ರಿಬ್ಯೂಟರ್ ಒರಿ ಗೂವೆಲ್ಗ್ ಲಾಗಿದ್ ಆತ್ಮಹತ್ಯೆ ಮಲ್ತೊಂದಿನ ನಡಕೆ ಬಂಟ್ವಾಳ ಬೈಪಾಸ್ದ ಕೈತಲ್ ಶನಿವಾರ ಕಾಂಡೆ ನಡತ್ದ್ಂಡ್.
ಬಂಟ್ವಾಳ ಬಡ್ಡಕಟ್ಟೆ – ದೈವಗುಡ್ಡೆ ನಿವಾಸಿ ಪ್ರಶಾಂತ್ ಬಾಳಿಗಾ (54) ಆತ್ಮಹತ್ಯೆ ಮಲ್ತೊಂದಿನಾರ್.
ಏಪೊಲ್ದ ಲೆಕ ಶನಿವಾರ ಕಾಂಡೆ 4 ಗಂಟೆಗ್ ಇಲ್ಲರ್ದ್ ಪೇಪರ್ ಬೊಕ್ಕ ಪೇರ್ನ್ ಇಲ್ಲ ಇಲ್ಲಗ್ ಪಟ್ಟೆರೆ ಪೋತಿನಾರ್ ಒಂತೆ ಪೊರ್ತು ಕೆಲ ಇಲ್ಲಲೆಗ್ ಪೇರ್, ಪೇಪರ್ ಪಾಡ್ದೆರ್. ಕಾಂಡೆ ಸುಮಾರ್ 5 ಗಂಟೆರ್ದ್ 8 ಗಂಟೆದ ನಡುಟು ಬೈಪಾಸ್ದ ಗೂವೆಲ್ ಒಂಜೆಕ್ ಲಾಗಿದ್ ಆತ್ಮಹತ್ಯೆ ಮಲ್ತೊಂದುಪ್ಪೊಡು ಪನ್ದ್ ಅಂದಾಜಿ ಮಲ್ದೆರ್.
ಸಾದಿ ಬರಿಟ್ ಮೆರೆನ ಬೈಕ್ ಉಂತುದಿತ್ತಿನೆನ್ ತೂದು ಸಾರ್ವಜನಿಕೆರ್ ಡೌಟ್ ಬತ್ತ್ದ್ ಗೂವೆಲ್ಡ್ ತೂನಗ ಪುನ ತೋಜಿದ್ಂಡ್, ಅಪಗನೇ ಬಂಟ್ವಾಳ ನಗರ ಸ್ಟೇಶನ್ ಪೋಲೀಸೆರೆಗ್ ಒಲವು ಕೊರ್ತೆರ್.
ಬಂಟ್ವಾಳ ನಗರ ಪೋಲೀಸ್ ನಿರೀಕ್ಷಕೆ ಆನಂತಪದ್ಮನಾಭೆರೊ ಬತ್ತ್ದ್ ಪರಿಶೀಲನೆ ಮಲ್ತ್ದ್ ಪ್ರಕರಣ ದಾಕಲ್ತೊಂದೆರ್.
ತೀರ್ದಿನಾರ್ ಅಪ್ಪೆ, ಬೊಡೆದಿ, ಏಳ್ವೆರ್ ಒಪ್ಪಪುಟ್ಟಿನಕುಲು, ಮೂವೆರ್ ಮಗಲರ್ಲು ಬೊಕ್ಕ ಜನ ದೋಸ್ತಿಯರ್ಲೆನ್ ಅಗತ್ದೆರ್.