Last updated on December 11th, 2025 at 08:59 am
ಒಡಿಪು, ಡಿ. 11: ಸಾದಿಡಿತ್ತಿನ ಗುಂಡಿಗ್ ಬೂರ್ದು ಅಂಕೆ ತತ್ತ್ದ್ ಒಂಜಿ ಟಿಪ್ಪರ್ ಸಾದಿ ಬರಿತ ಮರಕ್ ಎಡ್ತಿನೆರ್ದಾವರ ಡ್ರೈವರ್ ಅಲ್ಪನೇ ತೀರ್ದಿನ ನಡಕೆ ಚೇರ್ಕಾಡಿ ಗ್ರಾಮೊದ ಪೇತ್ರಿ-ಮಡಿ ಸಾದಿಬ್ ಡಿ.10ತಾನಿ ಕಾಂಡೆ 7ಗಂಟೆದ ಅಂದಾಜಿಗ್ ನಡತ್ದ್ಂಡ್.
ತೀರ್ದಿನಾರೆನ್ ಟಿಪ್ಪರ್ ಡ್ರೈವರ್ ಶ್ರೀಕಾಂತ್(26) ಪನ್ದ್ ಗುರ್ತ ಪತ್ತ್ದೆರ್. ಈ ಗಾಡಿ ನಿಟ್ಟೂರ್ದ ರಂಜನ್ ಶೆಟ್ಟಿ ಪನ್ಪಿನಾರೆಗ್ ಸೇರ್ದಿತ್ತ್ದ್, ಜಲ್ಲಿ ಲೋಡ್ ಮಲ್ಪೆರೆ ಶ್ರೀಕಾಂತ್ ಮೇರ್ ನಿಟ್ಟೂರ್ರ್ದ್ ಪಿದಡ್ದಿತ್ತೆರ್.
ಚೇರ್ಕಾಡಿ ಗ್ರಾಮೊದ ಪೇತ್ರಿ-ಮಡಿ ಸಾದಿಯೆ ಟಿಪ್ಪರ್ ಪೋವೊಂದುಪ್ಪುನಗ, ತಿರ್ಗೆಲ್ಡ್ ಇತ್ತಿನ ಗುಂಡಿಗ್ ಬೂರ್ದಿನೆರ್ದಾವರ ಡ್ರೈವರ್ನ ಅಂಕೆ ತತ್ತ್ದ್ಂಡ್. ಉಂದೆರ್ದಾವರ ಟಿಪ್ಪರ್ ಸಾದಿದ ಬಲತ ಮೆಯಿತ ಮಲ್ಲ ಮರಕ್ ಎಡ್ತ್ದ್ಂಡ್.
ಎಡ್ತೆದ ಬರಸ್ಗ್ ಗಾಡಿದ ಎದುರು ಮೆಯಿ ಅಲಕ್ಕ ಞಕ್ಕೆ ಆತ್ಂಡ್, ಡ್ರೈವರ್ ಸೀಟ್ಡ್ ಕುಲ್ದಿತ್ತಿನ ಶ್ರೀಕಾಂತ್ ಗಾತಿದ ಗಡಿಕುಲಾದ್ ಅಲ್ಪನೇ ತೀರ್ದೆರ್.
ಈ ಬಗೆಟ್ ಬೆರ್ಮಾವರ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್.